[A:298] mig ltos yar ldan du bya ba'i dper 'gyur/ de nas chu 'brug zla ba dang po'i tshes nyer lnga tsam la bstan rgyun la phan pa'i slob bu gang dag 'dus pa la rgyud sde rin po che rnams kyi dkyil 'khor zhal phye nas dbang bskur mdzad pa'i sgo dang po 'byed na legs so sngar ma gsan pa'i rnal 'byor rgyud kyi skor de dag kyang de dus 'grub pa zhing yong ngo gsungs/ shin tu rtsa ba che rigs kyi rten dang myong grol dam rdzas skor rnams gnang bar mdzad do/ /yab sras gnyis 'bral mi phod pa lta bus bkyeng nas/ bla ma rgyang 'bod kyi gdung dbyangs tshigs su bcad pa zhig mdzad de/ rab 'byams rtsa gsum rgya mtsho'i gsang gsum sgyu 'phrul bkod pas byin gyis brlabs pa'i gnas mchog dkar mo stag tshang gi bya skyib lha shing dang sA la'i sman ljongs nyams dga' ba la rgyal bas bsngags pa'i yon tan gyi 'byor pa du mas brgyan pa'i sgrub gnas de nyid du phebs te dben gsum gyi bdud rtsis phyi nang gi 'du 'dzi lhag med du bcil bzhin/ bya rgyud rigs gsum spyi sgrub dang / rdo rje'i rigs la mi g.yo ba/ de bzhin gshegs pa'i rigs la dri med rnam gnyis/ padma'i rigs la/ tshe dpag med/ spyan ras gzigs/ sbyong rgyud rnam snang mngon byang / rnal 'byor rgyud rdo rje dbyings bla med kyi rgyud las/ pha rgyud gsang ba 'dus pa mi skyod pa'i rim lnga'i nyams bzhes dang bcas pa dang / bskyed rdzogs zung 'brel gyi sgo nas/ 'jam pa'i rdo rje dang / rdo rje 'jigs byed ra lugs dang / ma rgyud spyi la sangs rgyas mnyam sbyor dang / he ru ka'i rigs la 'khor lo sdom pa lU