[A:300]bla ma dgongs pa gzhan du gtad pa thugs su chud nas/ bgrang bya don gsum bzhes pa'i chu 'brug cho 'phrul zla ba'i yar tshes brgyad la rdzong sar bkra shis lha rtser phebs te zhabs brtan 'bul bzhed dang / zhal 'jal gsung thos kyi 'dun pa shin tu che yang de na gnas pa'i dbang yod dag gis bkag 'gog byas pas/ rten 'brel legs pa'i lam las ldog ste nyes pa'i phyogs su lhung / kye ma'o bstan pa'i nyi ma des/ /kyi hud yul 'dir stong par 'gyur/ /tshe mthar gtug pa'i nad pa dag /sman pas bor ba ji bzhin no/ /ces ched du brjod cing / nyin grangs re zung la gsol ba'ang 'gag par gyur/ bdun phrag gnyis song mtshams dmar phyogs kyi dga' ba gnyis par sprul gzhi bi ma la mi tra'i thugs kar thim nas gzugs sku'i bkod pa re zhig brtul/ gsang bdag bla ma 'di nyid ni de nas zhag gsum song ba'i nyer lnga la sten mchog rdo rje 'chang gi gsang mdzod rgyud sde rab 'byams kyi chos kyi 'khor lo bskor ba'i dbu brtsams/ dkyil 'khor gyi gtso bo rje 'jam dbyangs bla ma'i mkha' khyab ye shes kyi sku gcig nyid du ma'i rnam rol tu shar ba la thugs nges gting nas 'khrungs pa'i ngang nas mchod tshogs rab 'byams kyi mchod pa dang / dbang dang dngos grub len pa la nan tan snying por mdzad pa'i rjes su rdo rje'i slob ma rnams la gnang ba yin pas rje rdzogs pa'i sangs rgyas de nyid las dbang nos pa dang khyad med ces yang yang gsung tshul 'di ni bla ma'i dgongs pa rdzogs pa'i thabs tshul zhig la ngo mtshar