[A:301]rmad du byung ba sngon chad grags ldan sus kyang spyod yul du ma gyur ba rje 'di nyid kyi khyad chos bla na med pa lags so/ /bla ma'i gdung la me mchod phul ba'i rdo rje slob dpon mdzad skabs ma gtogs rgyun chags su rgyud sde rab 'byams rgya mtsho'i sgrub mchod zab rgyas dang dbang bskur brgya phrag gsum las gsum tshan gcig gis lhag tsam dang / zab khrid nyer lnga/ rgyud kyi bshad bka'/ rgyab rten lung dang bcas pa mu tig bstar la brgyus pa bzhin du skal ldan rig 'dzin bstan rgyud sman nges kyi bla sbrul rnams la legs par spel zhing legs par gnang bar mdzad do/ /de yang zhag gi phung po bdun la nyag ma bco lngas lhag pa'i khongs su grub nas smin drug zla ba'i rdzogs pa gnyis pa'i tshes la ga Na tsakra'i mchod pa dang bcas te drin chen bla ma rdo rje 'chang byams pa kun dga' bstan pa'i rgyal mtshan dang kun mkhyen 'jam dbyangs bla ma rnam pa gnyis kyi zag med thugs dgongs zab mo yongs su rdzogs pa'i thugs smon kun tu bzang po'i sprin phung rab 'byams chos dbyings mu mtha' med pa'i zhing khams thams cad du rgyas shing khyab par brdal ba'i spyod yul zab mo sgyu ma lta bu'i rnam thar la gcig tu gzhol bar mdzad do/ /rnal 'byor gyi rgyud sde las dpal mchog dang po dang / rdo rje rtse mo rnams 'jam mgon rdo rje 'chang gis gnang ba'i zhal bzhes thob mod kyang / rang gi bgo skal du ma rnyed pa rang gi bsod nams kyis ma chun pa yin nam gsungs skabs shig la thar rtse mkhan chen 'jam dbyangs rin chen rdo rje phyogs