[A:302]der phebs skabs dang 'grig nas rje de la thugs rgyud bskul bas khong gis bzhed pa skong ngo phebs pa ltar thugs kyi dgongs pa can gyi dgongs bzhed lhag pa ma lus pa yongs su gang bar gyur to/ /lo snga ma'i nang du mkhan chen rin po che la rje mkhyen brtses sang zla ba dang po'i nang 'dir byon nas zla gcig tsam thugs lhod de bzhugs dgos so zhes phebs pa'ang phan tshun thams cad kyi gsung du nges pa rnyed/ de dag gi skabs su snyigs ma'i rang rtags ston pa'i rgyal blon nang 'khrugs mchod yon nang 'khon gyi 'thab rtsod ngan spyod sna tshogs char ltar babs shing rlung ltar 'tshubs na'ang / gsang bdag bla ma'i rnam dkar phrin las kyi 'khor lo ni dbyar gyi chu gter ltar rgyas shing bstan 'gro yongs kyi rgud pa mtha' dag gcig car du gso ba'i sman mchog nyid du gyur pa 'di ni/ 'jigs pa che ba'i gnas skabs su dpung gnyen zla grogs dang / gcong rong nyams nga ba'i g.yang sa nas 'ju sa dang rten gzhi lta bu mngon sum tshad mas grub pa'o/ /shes ldan dag gis kyang 'di skad du/ sdug bsngal gyi mun pa 'thibs pa'i nang na skyid kyi nyi ma shar ba ni rje 'di kho na lags so/ /zhes brjod pa'ang shin tu mang / chos 'khor de nyid kyi skabs su dkyil 'khor bzhengs pa dang / 'chad cing spel ba dang / sgrub pa'i maNDal 'bul ba bcas 'khor lo gsum gyis bstan pa'i rgyun skyong ba'i rdo rje'i slob ma dad dang dam tshig mi 'gyur gser gyi sa 'dzin lta buu 'ga' zhig mchis pa yang slob dang bcas pa rnams kyis rje btsun bla ma'i bstan pa slar yang gsal