[A:305]par rtogs pa rnams kyi bsam spyod sun phyungs shing rtsod pa dang / bka' srol rnam par dag pa bstan pa'i srid du gnas pa'i rtsom pa la thabs kyi spyod pas mchog tu mdzes pa dang bcas pa'i rlabs chen phrin las kyi 'khor lo 'gog pa med pas bskor ba 'di ni rtsod pa'i dus mthar 'dzin ma'i gzhi la rdo rje 'dzin rgyal rang nyid phal pa'i zol gyis rnam par rgyu zhing spyod pa gdon mi za pa'o zhes shes ldan gzu bor gnas pa dag gis bsngags brjod legs bris rgyud mang yang yang bsgrags par mdzad pa na skal bzang rnams kyi snying la bdud rtsi'i bcud du smin cing / yul lung gcig gi nga che khong btsan gyi chags sdang dug chus myos pa dag gi rna ba'i tsher mar gyur pa 'di'ang / ji skad du/ dpa' bo khyod kyi bstan pa ni/ /mu stegs can rnams skrags mdzad cing / /bdud ni sems khong chud par mdzad/ /lha dang mi rnams dbugs kyang 'byin/ /zhes gsungs pa dang tshul mtshungs pa nyid do/ /a ho sngon smon bsil bcud rkang pas 'thung / /bla ma'i byin rlabs drod bcud gtsug gis len/ /thos bsam sgom pa'i rtsa ba rab tu brling / /mkhyen brtse nus pa'i sdong bu mngon par mtho/ /'chad rtsod rtsom pa'i yal 'dab phyogs med rgyas/ /dam pa'i tshul rdzogs dpag bsam dbang po 'di/ /skal bzang bzhi pa'i sman ljongs nyams dga' bar/ /rgud med lang tsho bdo ba'i dpyid du mdzes/ /zhes bya ba 'di ni bar skabs kyi tshigs su bcad pa'o/ /bgrang gzhi zhe bdun pa nas lo shas dkar mo