[A:304]rdo rje 'chang 'di ni/ dang por dam pa'i chos tshol ba'i skabs su'ang / rang rang gi 'dod chos tsam gyi chog ma shes pa/ thub bstan yongs su rdzogs pa'i chu klung mtha' dag zab gsal thugs kyi rgya mtsho rnyog pa dang bral ba'i ljongs su dal gyis gzhol zhing bde bar rgyu ba la rang gi ngang gis mkhas pa rkang drug padma'i tshal du rtse ba lta bu dang / bar du thos pa'i don la rigs pa rnam pa bzhi'i srang lam du gzhal bas zab pa dang rgya che ba'i phra rags kyi lci yang dang rnam grangs rnam par 'byed pa la nges pa gting nas rnyed pa ni ke ta kas rnyog ma bgrung ba lta bu dang / tha mar nges pa'i don la rtse gcig tu mnyam par bzhag pas rig pa'i bang mdzod las ting nge 'dzin gyi sgo rab tu mang po bye ste/ ded dpon mkhas pa rin chen gling du phyin pa lta bur gyur pa na/ bden pa gnyis kyi gnas lugs ma nor ba dang ma lus pa mkhyen cing gzigs pa'i spyan ras rin po che glog gi sgron ma ltar gsal la sgrib pa med par brnyes shing / de'i tshe blo mig ldongs pas sdug bsngal gsum gyi g.yang sar 'phyan nas nyam thag pa'i 'gro ba rnams la ldog tu med pa'i thugs rje chen pos drangs te/ thabs la mkhas pa'i sgo sna tshogs pa brdzi ba med pa'i nus pas 'byed de bde nas bde ba'i gnas su dbugs 'byin chen po'i dga' ston la gcig tu sbyor bar mdzad/ de'i dus su rgyal bstan yongs su rdzogs pa'i snying po len pa dang 'dzin pa la smon lam gyi mthu grub pa'i mngon rtags su/ las dang skal ba dang ldan pa rnams la dus su 'doms shing spel ba dang / skal dman log