[A:242]rdzing bu rnams su grangs med pa 'char mod/ mchog gzigs grub brnyes 'ga' zhig gis 'phags pa'i gnas brtan yan lag 'byung gi phrin las kyi sprul pa'o gsungs shing / rje nyid kyi zhal nas rgyun par nga ni so skye tha mal pa'o gsungs kyang nye bar gnas pa thugs gtad can 'ga' zhig la/ dpal he ru ka gur gyi mgon po'i sku brnyan bris 'bur gang dang gang nas gzigs na/ 'di nga dang e 'dra ltos dang / nga dang 'dra na mgon po'i sku dngos yin no zhes gsungs pa bslu med de lta bu ni/ dpang du gyur pa dang / tshad mar gyur pa lags so/ /de ltar na dpal rdo rje gur gyi rgyud las/ de bzhin gshegs pa thams cad kyi sku dang gsung dang thugs kyi snying po las dpal rdo rje nag po 'di byung ngo / /hU~M gi ye shes las skyes pa/ /zhes gsungs pa ltar/ sangs rgyas thams cad kyi rdo rje bzhi ro mnyam pa las skyes pa'i thugs rje'i spyod pa khams gsum kun tu khyab pa sgyu 'phrul drwa ba chen po'i sprin phung dngos grub mchog gi char rgyun 'dzad med du 'jo ba'i dpal las/ snyigs ma'i rgud tshogs stug pos skye rgu rnams shin tu ma rungs par byas pa skyob pa'i slad du mchog gi rdo rje slob dpon gyi mtshan dpe'i me tog rnam par bzhad pa mngon no/ /dang po skye ba med pa'i rgya mtsho las/ skye ba'i rba rlabs ji ltar g.yo ba'i tshul/ /bar du mtshan ma med pa'i nam mkha' la/ /mtshan bcas chu 'dzin ji ltar gnas pa'i tshul/ /tha mar smon pa med pa'i nyi zla'i khams/ /smon bcas nub ri'i phag tu 'gag pa'i tshul/ /rnam thar