[A:308]skabs su dbang gral du yod pa thams cad la ye shes babs pa'i rtags mngon sum lan grangs byung ba dbang gral du yod pa dag gis phyis su gleng bar mdzad/ dngos 'bul rgya cher mdzad pa'i 'bul yig tu'ang rgan po'i 'chi chos cis kyang bka' drin che tshul bris shig gsungs shing mnyes mnyes mdzad/ gsang bdag bla ma mchog gis kyang rdo rje phur pa rtsa rgyud kyi dum bu'i 'grel bshad ljags khrid gsan/ rje bla ma rnam gnyis phan tshun gcig gis gcig la bla slob res mos su gnang mu 'bral mi phod pa'i tshul du bzhugs pas sa phag hor zla bcu gcig pa'i tshes nyer bdun la 'jam mgon bla ma zag med spros bral dbyings su snyoms par zhugs te gzugs sku'i bkod pa brtul/ de'i tshe thugs dgongs gcig tu bsre ba'i ngang yun ring mnyam par bzhag bzhin sku drung du bzhugs/ zhag bdun phrag gi ring bla ma mchod pa dbang bzhi len pa bcas shin tu zab rgyas mdzad/ dgyes rdor gyi sbyin sreg la brten nas gdung rin po che zhugs 'bul dang / sgrub mchod bdun tshigs re re bzhin gnang ste dgongs zab yongs su rdzogs pa'i thabs la nan tan snying po 'ba' zhig mdzad/ lcags byi lor la se ltem lhun grub yang rtse'i ri khrod du phebs te sgrub gnas mdzad/ 'di nas bzung ste lo ngo bcu gcig gi bar du gnas 'dir brtan par bzhugs shing rgyal bstan yongs rdzogs la ri mor mdzad pas snyig ma'i mun smag stug po'i klong na 'od gsal sgron me gcig pu kun khyab snang ba'i sgo 'byed du gyur/ rje mkhyen brtse'i zhabs kyi dbus