[A:310]lhag tsam la bka' drin gyis khyab par mdzad/ chu stag lor rnal 'byor pa btsad po lha rje las snga 'gyur rgyud 'bum bklag lung gsan/ rgyud sde rab 'byams kyi chos kyi 'khor lo bzhi pa bskor/ sras kyi thu bo be tshong chos rje bdag cag rdo rje slob ma zung gis zhabs 'degs zhus pa'i 'khor gyi gtso bo/ /gnas lnga rig pa sa sgang dbon po dang / gzhung lugs smra ba sde gzhung dbon po kun dga' rgyal mtshan bcas pa'i 'dus pa bcu phrag gnyis las lhag tsam la bka' drin gyis khyab par mdzad/ sgrub thabs rin po che kun las btus pa zhal skong dang bcas pa bka' rdzogs lung rdzogs su gnang / bgrang gzhi nga brgyad pa shing 'brug lor gsung ngag rin po che lam 'bras bu dang bcas pa slob bshad zab mo'i phyag bzhes smin grol rgyab rten dang bcas pa yongs rdzogs gnang ba'i 'khor gyi gtso bo/ /kun spangs sbas pa'i rnal 'byor 'khor 'das 'dzin pa rang grol ngag dbang shes rab rgya mtsho/ skyes sbyangs kyis yon tan du mas thugs rgyud gtams pa'i hor nya brag mchog sprul kun dga' chos kyi rgyal mtshan/ gdong thog sprul pa'i sku kun dga' 'chi med dbang po bcas pa'i 'dus pa bcu phrag gsum lhag bcas la thugs rje dang bka' drin chen pos khyab par mdzad/ de'i dus na rje gsang bdag bla ma'i zhal nas 'di skad ces bka' stsal pa/ sngon gyi dus su rje ga ya dhA ras 'brog mi lo tsA ba dang / de nyid kyis bka' babs bu bzhi dang bcas pa la snyan brgyud kho nar gdams par mdzad/ de'i rjes su bla ma zhang dgon