[A:312]thabs shig ma byung phyin da ni blo dang dad brtson je zhan je dman dang / gal chung chos la byed pa'i dus tshod rim bzhin shar 'ong bas zab cing rgya che ba'i bka' srol 'di cha lag yongs su rdzogs pa yun ring du mi gnas par 'gyur na 'jig rten gsum gyi dpal 'byor rgud kyang sla'i/ 'di ni de ltar ma yin te rgyal bstan gyi snying po 'grib pa dang / gtan bde'i rtsa ba rul ba'i phyir ro/ /ces gsungs nas rgyal bstan spyi dang bye brag srog las gces 'dzin lhan skyes su yod pa'i dbang gis/ don de nyid bsgrub pa'i slad du thugs brtson chu bo'i rgyun ltar bskyed par mdzad do/ /khyad par du slob bshad khrid kyi shing rta chen po gnyis kyi dgongs pa 'gal med du sgrub pa'i bstan bcos dang / khrid kyi 'chad thabs ngo mtshar can gsar du spel/ dbus gtsang khams phyogs gang na'ang yig tshogs yongs rdzogs cha tshang ba dkon 'dug pas 'di dag thams cad par du 'khod ba zhig byas tshe 'chad nyan chab gcig tu 'gro/ des bstan rgyun la phan pa zhig 'ong ngo gsungs/ 'ga' zhig nas zab chos mkha' 'gro'i snying khrag lta bu 'di par du brko mi rung tshul zhus pa la gang ltar byas kyang nga rang dbang gsungs/ 'ga' zhig nas nyams len bya rgyu'i gtso bo de rnams las/ gzhan rnams phyogs bsdu 'bri brko dka' tshegs che ba'i tshul zhus pa la/ blo chung gi ngang tshul can 'di dag la ni 'di las dran rgyu ci yod/ kho bo cag la ni de tsam gyis mi chog pa dang mi 'thus pa'i dran rgya chen po zhig dbang med du shar ba'i