[A:313]stobs kyis/ phyogs re re bas mi tshim pa yin gsungs/ yang skabs der 'od gsal rdo rje snying po'i rtogs pa klong du gyur pa blo gros bzang po las/ mdo rgyus sems gsum gtso bor gyur pa'i rnying ma bka' ma'i rgyud sde chen po rnams kyi dbang bka' yongs su rdzogs pa gsan/ a mdo'i yul nas a li chos rje ched gtad phebs pa la/ gsung ngag slob bshad kyi bka' chos zab mo lan gcig gnang / shing sprul lor yang bskyar/ kun mkhyen 'jam dbyangs bla ma'i sku sprul 'jam dbyangs chos kyi dbang po de nyid gtso bor bzhugs pa'i rig pa 'dzin pa chen po nam mkha' lta bu dang tsandan lta bu dang rin po che lta bu rnams kyi gral gyi gong rgyan/ bdag cag dman bu re zung gis gral gyi mthar mnan pa'i las skal ldan pa'i bu slob bcu phrag gnyis las lhag tsam zhig la gsungs ngag rin po che lam 'bras bu dang bcas pa'i smin grol byin rlabs rgyab rten dang bcas pa tshad ma bzhi dang ldan pa la slob bshad zab mo'i khyad nor gyis brgyan pa bka' rdzogs lung rdzogs su stsal/ lam gyi snying po 'khor 'das dbyer med kyi lta ba rig thog tu gdar sha chod par mdzad/ de la'ang phra rags gnyis su phyes pa'i ngo sprod zab mo rags pa glo bur gyi gsal stong zung 'jug dang / phra ba rang bzhin gyi gsal stong zung 'jug la 'khor 'das dbyer med ngo sprod pas gol 'chug med pa chos nyid gnyug ma'i gnas lugs rjen gcer du gsal bar mdzad pa