[A:316]srol mang po'i rgyun ni spel/ re re tsam yang nyams pa dang chad du dogs pa'i thugs ngal ni sku srog 'dor ba tsam yod pa sogs la dpag na nges pa don gyi rdo rje 'dzin rgyal nyid du gdon mi za ba'i gtan tshigs mthong nas brjod pa las phyogs lhung gi gtam du gyur pa ni cung zad tsam yang med do/ /dus skabs 'di tsam nas gsang chen slob bshad zab mo'i bka' bsdu grub nas glegs bam bcu bdun kha lang ba'i 'bri brko rags rim zin nas 'chad spel gyi bka' drin chen po gnang / sgrub thabs rin po che kun las btus pa'i smin grol bdud rtsi'i chu rgyun lhag ma med pa skal ldan snying gi gdung sel thar mchog bde ba chen po'i bcud du smin par mdzad do/ /a ho 'jig rten gsum gyi snying nor gcig pu de/ /snyigs ma'i smag rum khrod du stor la nye ba na/ /thugs stobs mtshungs pa med pa'i rtsal gyis yongs su bzung / /sa gsum rgud pa sel ba'i rdzogs ldan gsar du bzhad/ /phan dang bde ba'i dngos po kun gyi phul/ /gsang chen grub pa mchog gi dpal sbyin pa'i/ /rnam par thar pa'i sgo chen phyes pa 'dir/ /ma 'jug rdo rje'i gtan srid zin 'dod 'khrul/ /'phags pa'i yul gyi che ba rnams gsum las/ /nus pa che ba dpal mgon bi wa pa/ /gang des dgongs pa'i klong nas rtsal sprugs pa'i/ /gsang ba'i snying po gsung ngag rin po che/ /sgo skyel mdzad yul brtse chen sa skya pa/ /gsang ba rab 'byams kun gyi bdag por bskos/ /de nyid brgyud par bcas