[A:315]bcas pa la dbrog tu med pa'i yid ches rnyed cing 'gro ba bzhi'i chos kyis mi phyed par gyur pa'i yon tan can dag ni spyan chab rang dbang med pa shor nas don de kho na lags so yang yang brjod do/ /kha phyir bltas kyi lab lob mang po la sems 'khri ba'i rigs can dag ni/ da dung 'di las zab pa gcig yod las che snyam pas lce bde kha mkhas dang / rtogs brdzu dang grub brdzu skad sgra gang che'i rjes su bsnyegs pas 'di byas de thon med pa 'ong ba de 'dra'ang srid pa bcas/ dpal ldan sa skya pa'i bstan sgor 'jug kyang 'gram chu gzhan la ldang ba dang / yang grub mtha' gzhan gyi rjes su 'brang yang / chos tshul zab mo gong du brjod pa de lta bu la rgyu mtshan shes nas bcos min gyi 'dun pa mnga' ba'i blo chen gzu bor gnas pa/ dbang rnon chos kyi rjes 'brang yang mang zhig mchis pa dang / 'ga' zhig rdo rje'i gsung gi gsang ba zab mo rnams rang rgyud la dad brtson chen pos sbyar rgyu ma byung ba'i rgyus rang blo bde ba'i skabs ma rnyed pas chos dang bla ma'i skyon du sems na'ang rang nyid skal dman rigs chad kyi nongs pa las byin rlabs dang thugs rje zhan pa ni ma yin no/ /kha cig gis rang phyogs phan 'brel tsam rgyu mtshan du byas te bstod bsngags 'ud ci ches bkur ba'ang yod mod kyang 'di ni rgyud sde nas gsungs pa'i mtshan nyid thams cad ni mnga'/ sangs rgyas kyi bstan pa spyi dang bye brag la mdzad pa phyag rjes ni stobs che/ khyad par mar me 'gag kha lta bu'i bka'