[A:318]lcang lung sprul pa'i sku gtso bor gyur pa'i 'dus pa brgya phrag lhag tsam la gsung ngag rin po che slob bshad kyi smin grol zab mo'i chos kyi 'khor lo bskor/ yang dben gnas lhun grub yang rtser phebs/ bgrang gzhi re gsum pa sa byi lor/ rab 'byams gzhung lugs kun la 'jigs bral smra ba'i seng ge'i brtul zhugs 'chang ba mkhan chen gzhan phan snang ba gtso bor bzhugs pa la gsung ngag rin po che slob bshad kyi smin grol zab mo dang / dpal dus kyi 'khor lo'i dbang sogs thugs bzhed thams cad skong zhing / rje nyid kyis kyang gzhung chen 'ga' zhig gi chos 'brel gsan nas thugs yid gcig 'dres su gyur/ rje mkhas pa'i dbang po de nyid kyi skabs 'dir gtam lha yi rol mo zhes pa zhig ched du brjod pa las/ e ma gsang chen snga 'gyur chos sgo zhugs/ /'phags yul mkhas pa'i gzhung la cung zad sbyangs/ /phyogs lhung med pa'i sems kyis brtags byas pas/ /dpal ldan sa skya'i chos la yid ches skyes/ /zhes sogs rgyu mtshan nges nas nges par brjod pa'i gsung sbyor tshigs su bcad pa'i sgo nas bsngags pa'i me tog 'thor/ thub dbang rdo rje 'chang kun bzang bla ma'i rgyal tshab/ ngor e waM pa'i mkhan chen/ phan bde khang gi byams pa dpal ldan chos mdzad dang / thar pa rtse'i 'jam dbyangs kun bzang bstan pa'i rgyal mtshan dang / phun tshogs khang gser gyi ngag dbang blo gros gzhan phan snying po bcas dang / mchog gi sprul sku phrin las rnam par rol pa 'jam dbyangs