[A:319]chos kyi blo gros/ lung rtogs yon tan gyi phung po dge ba'i bshes gnyen mtshungs med 'jam dbyangs rgyal mtshan la sogs pa'i sdom brtson rig pa 'dzin pa chen po rnams kyi gtsor mdzad pa'i 'dus pa bcu phrag gnyis las lhag tsam la/ rgyud sde rab 'byams kyi chos kyi 'khor lo lnga pa bskor/ lcags khyi lor bdag cag rdo rje slob ma zung la 'jam dpal mtshan brjod kyi khrid lung gnang / dge ba'i bshes gnyen mang du 'dus pa de dag thams cad kyi bzhed pa tshul bzhin du skong ste/ sga stod skye dgu don grub gling du chibs kyi kha lo sgyur/ lam bar gyi skye 'gro grangs med pa la 'brel tshad don ldan gyi mdzad pas khyab par gyur/ chos sde de nyid du rje nyid bgrang gzhi re lnga pa lcags phag lor/ slob tshogs bcu phrag bzhi skor la/ rgyud sde'i spyi'i rnam bzhag dang / rgyud kyi mngon par rtogs pa rin po che'i ljon shing gi steng nas tshul bzhi'i bshad pa sngon du 'gro bas/ rtsa ba'i rgyud brtag pa gnyis par rje stobs kyi mgon po'i man ngag ltar gsung bshad zhib rgyas stsal bas/ de dus 'khor gyi khrod nas gzhan la 'chad spel nus pa bkra shis pa'i grangs dang / go rtogs chags pa'ang bcu phrag tsam byung / chu byi lor 'dus pa sum cu skor la mtha' drug tshul bzhi'i sgo nas rtsa rgyud kyi gsung bshad rgyas pa stsal/ de dus 'khor gyi nang nas 'chad spel nus pa bcu phrag tsam dang / rgyud don go ba chags pa yar zla'i grangs ldan byung bar grags/ ljags