[A:327]gsan par ma gnang zhing / zhal nas/ bdag gi gam du lo grangs mang por gnas bcas nas/ phyi ma'i ltad mor myong skabs sdug bsngal drag pos yun ring myong bar gyur na mchog tu snying rje bas/ da ni bdag rang nyid 'jig rten 'di nas 'jig rten pha rol tu 'gro bar bya ba las/ thabs gzhan yod pa ma yin pas tshe tshad ma rdzogs kyang da lan mi sdod nges can yin gsung / yang nas yang du zhus kyang de bzhin gsung / ngo gdong mchi mas sbags pa dag la 'di skad ces/ 'dus pa thams cad 'bral/ bsags pa thams cad zad/ brtsegs pa thams cad 'gyel/ skyes pa thams cad 'gag ces bya ba yin pas nges 'byung gi blo bskyed pa gal che'o gsungs/ sku lus la sgul skyod thug reg zhag lnga'am bdun gyi bar du ma byed cig gsungs/ de nas gsung rgyun bcad de thugs mnyam par bzhag bzhin zhal 'dzum mul le nyin gnyis tsam bzhugs/ shing stag hor zla gnyis pa'i gnam stong la/ mkha' mnyam rdul bral zhi ba chen po'i dbyings su snyoms par zhugs te gzugs sku'i bkod pa brtul ba'i tshul bstan/ de'i tshe nam mkha'i dbyings la 'ja' 'od kyis gang / sa gzhi'i khyon la dri zhim po'i ngad kyis khyab pa ni der yod thams cad kyis mngon sum du gyur/ nyin zhag lnga song mtshams sku gdung rang yal du gyur te ka To ra zhig gi nang bzhag rgyu tsam lhag ma lus pa'i tshe/ der yod rnams kyis gros mthun byas te me mchod phul bas/ me rang 'bar lta