[A:326]lam du bar do'i skabs su 'khrul snang gi 'jigs skrag dpag tu med pa myong ba dang / de nas 'gog tu med pa dmyal ba'i gnas su lhung nas bzod du med pa'i sdug bsngal myong tshul gsal bar mkhyen nas/ sba gsang med pa zhal nas yang yang gsung / 'di tsam du ma zad de lta bu snga nas mkhyen cing gzigs kyang skabs 'ga' zhig tu zur tsam las mi gsung zhing / phyis mchod yon shin tu 'brel pa mdzod zur bsod nams mgon po lnga lam du song skabs/ snying rje/ sdug ge de ni bar do la yid lus len rgyu med 'dug pa mar gyi zang thal bgrod pa zhig e yin las ci zhig gi rnam par smin par yin nam/ nag phyogs rgya mi'i dpung gi sna 'dren byas pas yin las che gsung zhing / snying rje rje ba'i skad du bsgrags nas/ rjes su 'dzin pa'i rnam pa mang pos rjes su bzung bar mdzad pa dang / drung chen bsod nams dpal grub pa'ang 'chi ba'i skad ye med skabs snying rje rje ba'i gsung yang yang phebs rjes skyabs gsol zhu mi byung ngo zhes de dus kyi nyer gnas dag gis gleng / rje nyid kyi sku dbon ngan 'gro'i gnas su phyogs pa la ni thabs gang gis kyang bzlog par mi nus pa'i tshul dang / sku nyid byon dgos pa'i tshul gsung skabs/ grwa'u dpon tshang dang dad slob dam tshig dag cing lhag bsam sgyu med mang pos bdag cag rnams kyis tshogs bsags sgrib sbyong gang dgos na sgrub chog pa dang / skyabs rje nyid sku tshe zhabs pad brtan nas yun ring du bstan 'gro'i dpal mgon mchog tu bzhugs par gsol ba btab pas