R209: gsang bdag rdo rje 'dzin pa 'jam dbyangs blo gter dbang po'i rnam par thar pa cha tsam brjod pa mchog sbyin sgo gsum rang grol dge legs nor bu'i ljon bzang skal bzang lha yi dga' ston/ lam 'bras slob bshad/ {bod yig glog rdul dpe cha/}

  • Pagination (Witness A): 329
[A:329]yod dag gis dam tshig la bsam nas de don bsgrubs na mthun rkyen gyi dngos po gang dgos yod pa'i phyir bstan pa'i zhabs 'debs gnad gang che ji ltar bzhed pa bzhin 'grub rgyu med don ci zhig yod ces yi chad pa'i sdug skad 'don/ kha cig gis thugs bskyed smon lam gyi stobs 'gog pa med pa'i chos nyid dbang btsan pas thugs bzhed gang mnga' ba rim bzhin 'byung ba'i re smon byed/ sna tshogs sgyu ma'i stang stabs cir yang rtse ba'i srid pa'i gar mkhan 'di la gad mo shor ba'i gnas su gyur pa ni mang du mthong ngo / /'on kyang rnyed dang bkur sti'i mchod pa dang sgrub pa'i mchod pa bcas kyis rang gi tshogs spel ba dang / bla ma'i dgongs pa yongs su rdzogs pa'i re ltos bca' ba tsam la nan tan byed pa gang dag mchis pa/ de dag yid kyi skyo grogs su gyur/ rje nyid kyi dgongs pa'i mthil ni mdo sngags gzhung lugs kun la lung rigs man ngag dang mthun pa'i bshad srol rnam par dag pa zhig dpal e waM chos ldan du tshugs thub pa dang / zab gsang rgyud sde rnam bzhi'i dbang bka' khrid rgyun yongs su rdzogs pa lo gsum bzhi'i khongs su tshar re dbyar chos su 'gro thub pa zhig byung na/ 'chad nyan mkhan rnams la bsnyen bkur gyi rten ji tsam dgos na'ang phul rgyu'i re ba yod ces 'doms/ de ltar 'grub pa'i rgyu yod kyang rkyen ma tshang ba lta bu'i skabs su bab pa ni bstan pa'i gegs chags yin nam snyam yang / bla ma'i thugs bskyed dang / thugs kyi sras mchog