[A:330]rnams kyi mdzad phrin bzang po yid bzhin gyi nor bu dang dpag bsam gyi shing bzhin du rtsol med lhun gyis grub pa'i rtsal las phun sum tshogs pa'i dge mtshan gyi dpal rab tu 'bar bar nam zhig 'byung bar 'gyur snyam du dung nge sems so/ /rje nyid kyi gsung las skyes pa'i zhal slob bod dang bod chen po'i ljongs su bgrangs kyi mi long bar bzhugs kyang gtso bor gong du chos kyi 'khor lo bskor ba'i dus so sor bzhugs pa'i slob tshogs dang de rnams kyi nang nas dge 'phel mchog sprul rin po che snyan grags bstan pa'i dbang phyug gis rgyud sde rab 'byams rgya mtsho'i dkyil 'khor gyi zhal thang yongs su rdzogs pa bzhengs te smin grol tshang sprugs su spel/ bdog rgu spong dag gi maNDal phul/ be tshong chos rje mkhas grub mkhyen rab rgya mtshos de kho na ltar mdzad/ nya brag sprul pa'i sku 'jam dbyangs kun dga' chos kyi rgyal mtshan pas ngor e waM chos ldan nas rgyud sde yongs rdzogs kyi smin grol spel ba'i mthun rkyen mi dman pa zhig phun tshogs khang gi mkhan chen mdun phul nas don smin gyur/ brag g.yab gtsang sar sprul pa'i sku dang / rab shis sprul pa'i sku dang / sdom tshang chos 'khor gling gi sgrub brtson dam pa dang / skye dgu don grub gling gi tshe mtshams pa shes rab dang rnal 'byor gyi dbang phyug zhabs drung ngag dbang shes rab rgya mtsho/ mkhas btsun ye shes bzang po/ sgrub brtson ngag dbang dam chos rnams kyis bsnyen sgrub sngon du 'gro bas rgyud sde rab 'byams kyi smin grol zab mo'i 'chad spel gnang / rje bla ma'i thugs