[A:༣༤༧]གཅིག་འགྲོ་སྙམ་པ་ལ། དེ་ཡང་ཞིང་ཁམས་གཞན་དུ་གཤེགས་པས་ངེས་འབྱུང་གི་རྐྱེན་བྱས། རང་ལོ་སོ་བདུན་པར་ཟླ་བ་དང་པོའི་ཚེས་གཅིག་གི་ཉིན་སྒྲུབ་པའི་བར་ཆད་སེལ་བའི་ཆེད་དུ། རྗེ་བླ་མ་སྒྲུབ་བརྩོན་དམ་པ་ཀུན་དགའ་ཉི་མའི་དྲུང་ནས། མགོན་པོ་ཁྲོ་བཅུའི་རྗེས་གནང་ཞིག་ཞུས། ཚེས་གསུམ་གྱི་ཉིན་སྒོ་འདག་སྦྱར་བགྱིས་ནས་མཚམས་ལ་ཞུགས། དེའི་དུས་སུ་རྗེ་ཉིད་ཀྱིས་བསྙེན་སྒྲུབ་ཀྱི་དམ་བཅའ་དང་ཐུགས་སྨོན་མཛད་པ་ནི་འདི་ལྟར། མི་སྐྱེས་ཆོས་ལ་བཟོད་པ་མ་ཐོབ་པར། །གཞན་དོན་བསམ་པས་སྦྱོང་ཞིང་སྦྱོར་བ་ཡིས། །བྱ་བྱེད་མངཔོའི་སྤྲོས་པ་ཀུན་དོར་ནས། །དབེན་གསུམ་བདུད་རྩིའི་བཅུད་ཀྱིས་འཚོ་བར་ཤོག ༡ །ཀློག་དང་སྤོང་བ་ཕྱོགས་རེར་ཞེན་པ་ཡི། །མཁས་པ་ཕལ་ཆེར་ཚིག་གི་སྦུན་པར་འཕྱར། །བླུན་སྒོམ་མང་པོས་གཏི་མུག་མུན་པ་སྤེལ། །དེ་སོགས་སྙིགས་མའི་རང་མདངས་ཕོག་མ་གྱུར། ༢།ཐོས་དང་བསམ་པས་སྒྲོ་འདོགས་ལེགས་བཅད་པས། །ཤེས་བྱ་ཀུན་ལ་ལྟ་བའི་མིག་ཡངས་ཤིང༌། །རྩེ་གཅིག་སྒྲུབ་པའི་རྒྱལ་མཚན་འཛིན་པ་ལ། །སྐད་ཅིག་ཙམ་ཡང་གཡེལ་བར་མ་གྱུར་ཅིག ༣ །ལུས་སྲོག་འབེན་ལ་བཙུགས་པའི་ཞེ་བཅད་ཀྱིས། །རྣམ་གྲོལ་ཚེ་འདིར་སྒྲུབ་པའི་གོ་ཆ་བགོས། །འདིར་སྣང་ཆོས་བརྒྱད་འཆིང་བའི་སྒྲོག་ལས་གྲོལ། །མིང་དོན་མཚུངས་པའི་བྱ་བྲལ་ཉིད་གྱུར་ཅིག ༤ །བྱམས་བརྩེ་བྱང་ཆུབ་སེམས་ཀྱི་གཞི་བཟུང་ནས། །རིམ་གཉིས་ཏིང་འཛིན་ཟབ་མོའི་མྱུར་ལམ་གྱིས། །ཆེ་བ་གསུམ་ལྡན་བཅུ་གསུམ་རྡོ་རྗེའི་ས། །ཚེ་འདིའི་ཉིད་ལ་བདེ་