[A:347]gcig 'gro snyam pa la/ de yang zhing khams gzhan du gshegs pas nges 'byung gi rkyen byas/ rang lo so bdun par zla ba dang po'i tshes gcig gi nyin sgrub pa'i bar chad sel ba'i ched du/ rje bla ma sgrub brtson dam pa kun dga' nyi ma'i drung nas/ mgon po khro bcu'i rjes gnang zhig zhus/ tshes gsum gyi nyin sgo 'dag sbyar bgyis nas mtshams la zhugs/ de'i dus su rje nyid kyis bsnyen sgrub kyi dam bca' dang thugs smon mdzad pa ni 'di ltar/ mi skyes chos la bzod pa ma thob par/ /gzhan don bsam pas sbyong zhing sbyor ba yis/ /bya byed mngapo'i spros pa kun dor nas/ /dben gsum bdud rtsi'i bcud kyis 'tsho bar shog 1 /klog dang spong ba phyogs rer zhen pa yi/ /mkhas pa phal cher tshig gi sbun par 'phyar/ /blun sgom mang pos gti mug mun pa spel/ /de sogs snyigs ma'i rang mdangs phog ma gyur/ 2/thos dang bsam pas sgro 'dogs legs bcad pas/ /shes bya kun la lta ba'i mig yangs shing / /rtse gcig sgrub pa'i rgyal mtshan 'dzin pa la/ /skad cig tsam yang g.yel bar ma gyur cig 3 /lus srog 'ben la btsugs pa'i zhe bcad kyis/ /rnam grol tshe 'dir sgrub pa'i go cha bgos/ /'dir snang chos brgyad 'ching ba'i sgrog las grol/ /ming don mtshungs pa'i bya bral nyid gyur cig 4 /byams brtse byang chub sems kyi gzhi bzung nas/ /rim gnyis ting 'dzin zab mo'i myur lam gyis/ /che ba gsum ldan bcu gsum rdo rje'i sa/ /tshe 'di'i nyid la bde