[A:༣༦༢]བཏབ་པས། སྤྱིར་ཤེས་བྱ་ཐམས་ཅད་དང་བྱེ་བྲག་ཏུ་དཔལ་ས་སྐྱ་པའི་སྙན་བརྒྱུད་ཟབ་མོའི་གདམས་པ་རྣམས་ལ་མི་འཕྲོག་པའི་ཡིད་ཆེས་ཀྱི་ངེས་པ་གཏིང་ནས་རྙེད། རྒྱལ་བ་གཉིས་པ་དཔལ་ལྡན་ས་སྐྱ་པའི་རིང་ལུགས། བསྟན་པ་ཡོངས་རྫོགས་ཀྱི་ཉམས་ལེན་ཕྱོགས་གཅིག་ཏུ་བསྡུས་པ། གང་ཟག་མཆོག་དམན་ཐམས་ཅད་རིམ་གྱིས་བཀྲི་བའི་བཀའ་སྲོལ་འདི་པའི་ལུགས་ལ། ལྟ་སྒོམ་སྤྱོད་གསུམ་ལ་རིམ་གྱིས་སློབ་དགོས་པས། ལྟ་བ་འཁོར་འདས་དབྱེར་མེད་ཀྱི་དོན་གཞུང་རིན་ཆེན་སྣང་བ་རྩ་འགྲེལ་གཙོ་བོར་གྱུར་པའི་ཁྲིད་ཡིག་རྣམས་ཀྱི་དགོངས་པ་དང༌། སྒོམ་པ་ཉམས་ལེན་རྒྱུད་དང་རྗེ་བཙུན་གོང་མའི་གསུང་རབ་དང༌། ཀྱེ་རྡོ་རྗེའི་ཆོས་སྐོར་འཕགས་ཡུལ་ནས་བོད་དུ་འགྱུར་རོ་ཅོག་ད་ལྟ་བསྟན་འགྱུར་གྱི་ཁྲོད་དུ་བཞུགས་པ་ཐམས་ཅད་དང༌། ས་ངོར་ཚར་གསུམ་གྱི་སྐྱེས་ཆེན་རྣམས་ཀྱི་ལེགས་བཤད་གང་རྙེད་ཐམས་ཅད་ལ་བལྟ་རྟོག་ཡུན་རིང་དུ་བྱས་ཏེ། སྦྱང་གཞི་སྦྱོང་བྱེད་སྦྱོར་ཚུལ་སོགས་དམིགས་རྐང་ཕྲ་རགས་ཐམས་ཅད་རིག་པ་གླེགས་བམ་ལ་མི་གནས་པར་སྒྲོ་འདོགས་ཆོད་པར་བྱས་ནས། ཉམས་སུ་ལེན་དུས་ཞིབ་ཆ་བྱས་ལ། ལམ་དུས་ཐུན་རེ་ཉིན་ཕྱེད་ཙམ་རེ་འགོར་སོང་ཡང༌། སླ་ཆོས་མ་བྱས་པར་འདོན་སྒོམ་སྦྲགས་ནས་དམིགས་པ་ལ་རྩེ་གཅིག་ཏུ་གཏད། ངས་དང་པོ་བསྐྱེད་རིམ་ལ་སེམས་འཛིན་སྐབས། སྤྱན་དབུས་མ་ལ་སེམས་འཛིན་ཡུན་རིང་བྱས་པས། དང་པོ་ཁམས་འཁྲུགས་ངན་པ་ཞིག་བྱུང༌། དེ་ལ་མཁྱེན་བརྩེ་རིན་པོ་ཆེས་གེགས་སེལ་མཛད་ནས་དྭངས་སོང༌། སྤྱིར་རྣམ་པ་