[A:༣༨༥]པའི་སྤྲིན་དུ་དམིགས་ནས་ནི། །བདག་གཞན་ཚོགས་གཉིས་མྱུར་དུ་རྫོགས་བྱའི་ཕྱིར། །རྗེ་བཙུན་བླ་མ་མཆོག་ལ་མཆོད་པར་བགྱི། །མ་རིག་ཆགས་སྡང་འཁྲུལ་པའི་དབང་གྱུར་པས། །བདག་གིས་སྒོ་གསུམ་སྡིག་ལྟུང་གང་བགྱིས་པ། །གནོང་ཞིང་ཡིད་ལ་བཅགས་པའི་འགྱོད་སེམས་ཀྱིས། །འདྲེན་པ་ཁྱོད་ཀྱི་སྤྱན་སྔར་མཐོལ་ཞིང་བཤགས། །རང་ཉིད་ལས་ངན་མུན་པར་ཞུགས་མཐོང་ནས། །གཞན་གྱིས་དགེ་བའི་སྣང་བ་གང་བསྐྱེད་ལ། །མ་གུས་ཕྲག་དོག་རྟོག་པས་མ་བསླད་པར། །དགའ་ཞིང་སྤྲོ་བས་རྗེས་སུ་ཡི་རང་ངོ༌། །མགོན་པོ་ཁྱེད་ཀྱིས་ཡེ་ཤེས་སྐུ་བརྙེས་ཕྱིར། །གདུལ་བྱའི་ཡུལ་ལ་ཐོགས་པ་མི་མངའ་བས། །བདག་གི་ཉམས་དང་རྨི་ལམ་མངོན་སུམ་དུ། །ད་དུང་ཆོས་ཀྱི་འཁོར་ལོ་བསྐོར་དུ་གསོལ། །ཞིང་འདིར་མྱ་ངན་འདའ་བའི་ཚུལ་བསྟན་ཀྱང༌། །ལྷུན་གྲུབ་ཕྲིན་ལས་རྒྱུན་ཆད་མི་མངའ་བས། །གུས་ལྡན་སློབ་མའི་དད་བརྒྱའི་སྤྱི་བོ་རུ། །ཉིན་མཚན་རྟག་ཏུ་བཞུགས་པར་མཛད་དུ་གསོལ། །རྗེ་བཙུན་བླ་མ་དག་པའི་ཞིང་དུ་གཤེགས། །སྐལ་ངན་བདག་ནི་འཁོར་བའི་གྲོང་དུ་འཁྱམས། །ལས་ངན་རང་གི་སྡུག་བསྔལ་མ་བཟོད་ནས། །གདུང་བའི་དབྱངས་ཀྱིས་འབོད་དོ་ཐུགས་རྗེས་གཟིགས། །འདི་ཕྱི་བར་དོའི་གནས་སྐབས་ཐམས་ཅད་དུ། །སྒྲིབ་མེད་ཡེ་ཤེས་སྤྱན་གྱིས་འཚོ་བཞིན་དུ། །ཕྱི་ནང་གསང་བའི་ཉེར་འཚེ་ཐམས་ཅད་ལས། །མགོན་པོ་ཁྱོད་ཀྱིས་སྐྱོབ་པར་མཛད་དུ་གསོལ། །ད་ནི་མི་ཚེའི་ལྷག་མ་ཅི་ཡོད་ལ། །རྣམ་གཡེང་སྡིག་པའི་ལས་ལ་མི་འཇུག་པར། །ཉིན་མཚན་དམ་པའི་ཆོས་ཀྱིས་འདའ་བྱས་ནས། །དལ་འབྱོར་སྙིང་པོར་