[A:385]pa'i sprin du dmigs nas ni/ /bdag gzhan tshogs gnyis myur du rdzogs bya'i phyir/ /rje btsun bla ma mchog la mchod par bgyi/ /ma rig chags sdang 'khrul pa'i dbang gyur pas/ /bdag gis sgo gsum sdig ltung gang bgyis pa/ /gnong zhing yid la bcags pa'i 'gyod sems kyis/ /'dren pa khyod kyi spyan sngar mthol zhing bshags/ /rang nyid las ngan mun par zhugs mthong nas/ /gzhan gyis dge ba'i snang ba gang bskyed la/ /ma gus phrag dog rtog pas ma bslad par/ /dga' zhing spro bas rjes su yi rang ngo / /mgon po khyed kyis ye shes sku brnyes phyir/ /gdul bya'i yul la thogs pa mi mnga' bas/ /bdag gi nyams dang rmi lam mngon sum du/ /da dung chos kyi 'khor lo bskor du gsol/ /zhing 'dir mya ngan 'da' ba'i tshul bstan kyang / /lhun grub phrin las rgyun chad mi mnga' bas/ /gus ldan slob ma'i dad brgya'i spyi bo ru/ /nyin mtshan rtag tu bzhugs par mdzad du gsol/ /rje btsun bla ma dag pa'i zhing du gshegs/ /skal ngan bdag ni 'khor ba'i grong du 'khyams/ /las ngan rang gi sdug bsngal ma bzod nas/ /gdung ba'i dbyangs kyis 'bod do thugs rjes gzigs/ /'di phyi bar do'i gnas skabs thams cad du/ /sgrib med ye shes spyan gyis 'tsho bzhin du/ /phyi nang gsang ba'i nyer 'tshe thams cad las/ /mgon po khyod kyis skyob par mdzad du gsol/ /da ni mi tshe'i lhag ma ci yod la/ /rnam g.yeng sdig pa'i las la mi 'jug par/ /nyin mtshan dam pa'i chos kyis 'da' byas nas/ /dal 'byor snying por