[A:348]blag 'grub gyur cig 5 /rang don spangs dang rtogs pa mthar phyin nas/ /gzhan don bsdu dngos bzhi yi phrin las kyis/ /kun gsal sgeg mo'i pha mtha'i rjes zhugs pa'i/ /'gro rnams phan bde'i lam la 'god gyur cig 6 /mdor na bstan dang 'gro ba'i don gyi phyir/ /zab lam sgrub pa'i 'bras bu mngon gyur nas/ /phyi nang gsang ba'i bdud sde dpung bcas kyi/ /nyer 'tshe kun las rtag par dza yantu/ 7/zhes dam bca' mdzad nas/ de yang thog mar bla ma brgyud pa'i rnam thar bsam zhing gsol 'debs bgyid dgos pa la/ rnam thar thams cad yid la dran bzhin pa'i sgo nas 'jam dbyangs bla ma la rtsa brgyud kyi bla ma sogs skyabs gnas ma lus pa 'dus par mos nas shes bya ma 'don bzhin pas phyag 'bum phrag bcu phul/ de nas rim bzhin snang gsum gyi lam rnams bsgom pa'i tshul bgyis shing / thun mtshams rnams su phyag sogs tshogs bsags sgrib sbyong la brtson par bgyis/ dmigs rkang rnams kyi nang nas las dang po pa la mi rtag pa bsgom pa 'di gal shin tu che bar 'dug gsungs pa ltar mi rtag pa zla ba bcu gsum la bsgom/ dmigs thun gzhan rnams chad lus med par bsgoms pas lo hril po gsum song / snang gsum dmigs zhor du skyabs 'gro 'bum ther nyer gsum song / byang chub kyi sems bsgom skabs nged kyi gcung legs 'dzin la/ grong 'go tshang gi bu dbang stobs kyis gri brgyab pa thos tshe/ dang po sems la mi dga' ba chen po byung / de nas bdag