[A:362]btab pas/ spyir shes bya thams cad dang bye brag tu dpal sa skya pa'i snyan brgyud zab mo'i gdams pa rnams la mi 'phrog pa'i yid ches kyi nges pa gting nas rnyed/ rgyal ba gnyis pa dpal ldan sa skya pa'i ring lugs/ bstan pa yongs rdzogs kyi nyams len phyogs gcig tu bsdus pa/ gang zag mchog dman thams cad rim gyis bkri ba'i bka' srol 'di pa'i lugs la/ lta sgom spyod gsum la rim gyis slob dgos pas/ lta ba 'khor 'das dbyer med kyi don gzhung rin chen snang ba rtsa 'grel gtso bor gyur pa'i khrid yig rnams kyi dgongs pa dang / sgom pa nyams len rgyud dang rje btsun gong ma'i gsung rab dang / kye rdo rje'i chos skor 'phags yul nas bod du 'gyur ro cog da lta bstan 'gyur gyi khrod du bzhugs pa thams cad dang / sa ngor tshar gsum gyi skyes chen rnams kyi legs bshad gang rnyed thams cad la blta rtog yun ring du byas te/ sbyang gzhi sbyong byed sbyor tshul sogs dmigs rkang phra rags thams cad rig pa glegs bam la mi gnas par sgro 'dogs chod par byas nas/ nyams su len dus zhib cha byas la/ lam dus thun re nyin phyed tsam re 'gor song yang / sla chos ma byas par 'don sgom sbrags nas dmigs pa la rtse gcig tu gtad/ ngas dang po bskyed rim la sems 'dzin skabs/ spyan dbus ma la sems 'dzin yun ring byas pas/ dang po khams 'khrugs ngan pa zhig byung / de la mkhyen brtse rin po ches gegs sel mdzad nas dwangs song / spyir rnam pa