[A:363]gsal ba dang nga rgyal brtan pa gnyis las phyi ma gtso che ba 'dug ste nga rgyal brtan na rnam pa rang shugs kyis gsal yong ba 'dug /de nas rten dang brten par bcas pa la gsal snang legs po zhig byung tshe slar yang mi gsal ba zhig red song / de'i dus su gsal mi gsal snyam pa rnam rtog yin/ lta ba'i klong nas gsal mi gsal med par shes pas lta sgom bsres nas bsgoms pas rags pa'i bskyed rim shin tu brtan par gyur/ lugs 'di la dbang bzhi'i lam so sor rim bzhin bsgom pa dang / bum dbang gi lam gyi nang du dbang gong ma rnams kyi zab gnad thams cad dril nas bsgom pa'i tshul gnyis las/ phyi ma ltar mngon byang gi skabs lta bur mtshon na sbyang gzhi lnga tshan bco lnga po thams cad sbyar nas bsgom pa dang / lus dkyil gyi nyams len yang / lam 'bras kyi gdams pa yongs rdzogs kyi gnad bsdus par go nas/ bskyed rdzogs zung 'jug gi tshul du nyams su blangs pas/ de nas phra ba'i bskyed rim yang brtan par gyur te/ spyir lha thams cad gsal zhing khyad par du mgrin pa dang gsang gnas gnyis su gtso bo nas 'bru tsam dang / 'khor yungs 'bru tsam re bsgom tshe lha de rnams kyi spyan dkar nag tshun ma 'dres shing / dbu skra nyag ma re re bzhin ma 'dzing pa/ rus rgyan yang srad bu dmar po la mu tig brgyus pa ltar bkra lam me mthong ba zhig ma byung gi bar du bsgoms/ de yang dang por khab mig tu lha sku mi lus tsam bsgoms nas yang dogs kyi 'dzin pa byung tshe chos thams cad rdzun par