[A:370]nas gsungs byung bas/ dam can rgya mtsho bran du khol ba la the tshom med par snang ngo / /yang skabs shig 'chi ltas mang po byung ba na sgrol dkar sogs rim gro mang du byas kyang ma bzlog par/ zangs mdog dpal ri rten dang brten par bcas pa mdun du dmigs nas gsol 'debs snying thag pa nas bgyis shing / siddhi khri gcig bzlas pas gu ru rin po che rten dang brten par bcas pa mngon sum du mjal ba'i gsal snang byung bas de'i phyir nang nas rlung ltas log cing / sgra mi snyan gyi tshe sgrub byas pa gnad smin du gyur cing tshe gegs zhi'o gsungs/ yang skabs shig gzim lam du/ khong ngor du phebs 'dug pa la/ de'i lha khang gzhan thams cad kyi steng gi rgyal mtshan sogs 'gyel 'dug pa la/ lam 'bras lha khang gi rgyal mtshan sogs ma log par 'dug /log bris kyi birWa pa'i sku de'i mdun du phyin nas mar me zhig phul nas/ gsung ngag rin po che'i bstan pa phyogs thams cad du dar rgyas su 'ong ba zhig gsol ba btab pas/ khong gi gsung 'byon nas/ da nga rang bod du lan gnyis las 'ong mi dgos/ chos 'di phyogs thams cad du khyab gdal du dar ba zhig dka' 'dug gsungs pa zhig byung bas/ de'i ltas la dpags na/ sngon dus yod pa'i rgyud sde bdun cu rtsa gnyis kyi bshad pa sogs phal cher nub kyang / gsung ngag 'di'i bstan pa da dung mi rabs gnyis tsam la gnas pa e yin na zhes gsungs pa sogs mtha' yas kyang re zhig de tsam mo/ /dus gsum gyi shes bya thams cad sgrib med du mkhyen tshul la/ sngon gyi sku skye ba'i phreng ba rjes su dran nas gsungs pa ni/ rab 'byams pas