[A:371]zhal gzigs dus yi ge bstan nas khyod sngon rje btsun grags pa dang chos rje sa paN gnyis ka'i slob ma dkar shAkya grags kyi skye ba yin zhes lung bstan pa dang / rje nyid kyi zhal nas nged la snying nas dad pa yod pa'i slob ma rnams kyis/ sngon dus sa skya'i rje btsun khu dbon gyi/ /thugs kyi sras mchog dkar ston shAkya grags/ /dus 'dir rdo rje 'dzin pa'i skur bzhengs pa/ /sga ston chos kyi rje la gsol ba 'debs/ /zhes gsol ba btab chog pa zhes gsungs pa dang / rin po che'i zhal slob rdo rje 'dzin pa chen po bla ma zla 'od la rab 'byams pa kun dga' ye shes kyi slob ma drung tshul khrims rgyal mtshan nga rang yin pa da lta skye ba dran par 'dug gsungs pa dang / phran la'ang snga dus thar lam dgon du rab 'byams pa'i rnam thar mjal skabs mos gus drag pos dran med du brgyal 'gro ba lta bu byung / nga rab 'byams pa'i zhal slob yin pa dran gsungs/ drwa ma sgang du lam 'bras gnang dus/ dpon slob ngag dbang legs grub kyi sku skye de ma thag pa nga rang yin tshul zhib tu dran ces ngos la gsungs shing / gzhan yang nyag re grub thob kyi sku skye yin tshul mkhas pa'i dbang po bla ma tshul khrims la gsungs pa dang / sga stod du lha babs nas skye ba snga phyi sogs lung bstan mkhan zhig byung ba la/ nyid kyi zhal nas/ de 'dra shes mkhan zhig yin na/ nga sa chen gyi slob ma zhig yin par 'dug pas/ de ci 'dra yin dris shog gsungs pa sogs shin tu mang bas chos rje rin po che 'di nyid kyi dus gsum gyi rtogs brjod ni sus kyang gzhal bar dka' ba yin mod/ skuu skye snga ma'i rnam grangs mtshon pa tsam smos pa yin no/ /