[A:381]stangs kyis bzhugs/ sku lus drang por bsrangs te/ spyan gyis mdun thad du zim mer gzigs/ shangs sgo'i dri ma sogs bsal/ dbu cung zad 'phrug /sku gsung thugs kyi mdzad spyod thams cad dus rgyun pa ltar ma gtogs pa da mya ngan las 'da' ba yin snyam pa gtan nas mi 'dug gsungs/ de nas phyag phreng bsnams nas ma Ni phreng skor gcig dang / nyag ma gsum bzhi tsam gsung tsa na/ sku la bgres tshul lta bu'i gnyer ma sogs gtan nas med par zhal gyi mdangs shin tu gsal bar gyur nas/ mnyam bzhag mdzad nas cung zhig na hika ces sgra che ba zhig dang / de'i rjes je chung du gyur pa gnyis gsungs nas/ dgongs pa chos kyi dbyings su mnyam par bzhag pa'i tshul bstan to/ /de nas zhag gsum nas sku gdung rin po che mjal ba'i tshe/ shangs bug g.yas nas byang sems dmar po mtshal gyi mdog lta buu mang po zhig sku pang du babs 'dug /de nas sku khrus gsol zhing / gdung chas sogs dus tha ma'i cho ga'i skyes bu dam pa rnams kyi sku gdungs la bya ba'i cho ga bshad tshad phyag len ltar bgyis nas bzhugs su gsol ba na/ shangs bug g.yon nas byang sems dkar po mu tig gi mdog lta bu zhig babs/ de nas zhag gsum bzhi'i bar du byang sems dkar po kho nar bab cing / sku gdung sngar bas dwangs pa dang / g.yon ngos cung zad dmar ba zhig tu gyur/ hor zla bzhi pa'i tshes gsum gyi nyin mor/ sku gdung rin po che gtsug lag khang du gdan drangs nas/ mchod pa'i rnam grangs bsam gyis mi khyab pa phul ba na/ de skabs nyin mtshan khor