[A:382]yug tu nam mkha' la 'ja' kha dog sna tshogs shar ba dang / me tog gi char sil bur babs pa dang / khyad par du gtsug lag khang de nyid la 'ja' 'od kyi gur gdugs ltar phub pa 'ga' res mthong ba sogs byung zhing / tshes bcu'i nyin gtsug lag khang de nyid kyi steng gi spur khang du bzhugs su gsol nas/ zhugs phul bgyis tshe me sbar mi dgos pa thugs ka nas me mched de rang 'bar du gyur pa dang / de yang bsreg rdzas rnams phul tshe du long du gyur nas/ rang dgar bzhag pa'i tshe 'bar ba dang / bya rgod mang po gdung khang gi steng gi nam mkhar lding zhing mthar je mthor gyur nas nub phyogs su 'phur song ba dang / nub nas shar du 'ja' dkar po snam bu brkyang pa ltar drang thal le zug pa dang / khyad par du lho nub kyi mtshams kyi nam mkhar 'ja' sprin sdong po gcig la sne mo brgyad yod pa pa tra'am 'khor lo dang cha 'dra ba zhig shar ba dang / spur khang gi phyi nas dad pa can 'ga' res ring bsrel yang du ma rnyed 'dug pa dang / gdung khang sgo phyes pa na dbu dang sku'i mgrin pa de'i sne mor thugs te gsum po phyogs gcig tu sbrel te 'byar ba dang / dbu thod steng du ma Ni 'bru drug rang byon du 'dug pa dang / zhugs 'bul dus kyi kun rig dkyil 'khor de'ang tshon gyi kha dog sogs ma yal bar rdo'i rang bzhin du gyur nas/ skye bo kun gyis mjal rgyu yod pa sogs ngo mtshar ba'i rtags du mas gdul bya rnams dad pa'i sa la 'god par mdzad do/ /de ltar chos kyi rje de nyid kyi phrin las skyong ba'i slob ma'i tshogs ni/ dpal e waM chos ldan gyi mkhan po 'jam dbyangs kun bzang