thob zla tshig pa la phyag 'tshal lo/ /de ni zla ba re la tshig re blo la zin te grub pa thob pa red yang yang bka' bstsal ba gus pa'i blo la nges pa byung yang lung bstan lta bu gang yin rmongs pas ma rtogs so/ /yang nged zhabs 'bring pa kha shas zhig la/ rje rdo rje 'chang chen po'i zhal snga nas nga spu gu chung ngu'i dus kha mang po zhig yin pa 'dra/ dge rgan thugs gtum pa zhig yod pa de la/ gur gyi mgon po sa gang 'dra thob ces bka' 'dri zhus pas sa bcu thob pa red gsungs/ de bzhin du spyan ras gzigs dang 'jam pa'i dbyangs sogs sa gang la bzhugs zhus pas/ skabs re dngos gnas kyi lan mdzad/ skabs re bka' bskyon gnang / yang kye rdo rje sogs yi dam rnams sa bcu gsum thob gsungs/ nga rang gi bsam par ston pa thugs rje can shAkya thub pa bstan pa'i bdag po yin pas sa sum cu tsam thob yod nges bsam pa yong gi yod kyang da cha bsam dus spu gu'i bsam pa rang red gsungs pa shin tu ngo mtshar ba'i gsung ngo / /sde gzhung mchog sprul a 'jam rin po ches rje 'di'i mtshan gsung ba'i dus thams cad du phyag thal mo spyi bor bzhag ste grub chen dam pa rin po che zhes bsngags brjod chen po mdzad/ rgyun du tshul khrims kyi dri bsung gzims khang gi phyi nang kun tu khyab pa dang / phebs shul du'ang tshul khrims kyi dri bsung yun ring tshor ba sogs dam pa'i rang rtags du ma mthun snang du gyur pa dang / tshe tshad lung bstan 'phyug med du thig pa sogs mngon mkhyen thogs pa med pa mnga'/ sngon gnas rjes dran gyi yon tan mnga' ba yang / ngor dgon nas rta nag thub bstan dgon du chibs bsgyur mdzad skabs/ rgyal chen rtse'i lung pa'i sa stong zhig tu phebs pa na/ ya 'di na khyim tshang gnyis yod pa da mi 'dug gsung ba de 'phral zhabs phyi rnams nas ci lags zhus pas/ nga rgan po 'chal ba red gsungs gsang ba mdzad/ rjes sor zhabs phyi rnams nas yul de'i mi la dris pas mi rgan rnams kyis sngon khyim tshang gnyis yod kyang chus khyer ba red zer ba dang / yang mus la phebs skabs thang stong zhig gi dkyil na rdo phung 'ga' shas yod sa zhig tu chibs gzhol te sku ngal gsos bla slob thams cad zhal tog re gnang nas phebs pa dang chibs btegs rdo gru bzhi che ba zhig 'dug pa de nas chibs dgos bka' bstsal/ chibs gong du nga skye ba sngon ma bla ma rgya bo rta nag po yod pa zhig rdo 'di'i steng nas rta mang po zhon myong gsungs pa de su lags zhus pas nga rgan po 'chal ba red gsungs te gsang ba mdzad/ de ni grub chen thang stong rgyal po'i sku skye bzhes pa thugs dran gsos gnang ba yin 'dug /mdor na 'di ni mtshon pa tsam las sngon gnas rjes dran rnams dang / sprul sku ngos 'dzin zhus pa'i bka' lan khag mjal ba na dus gsum lag mthil du gzigs pa lta bu mngon mkhyen la thogs pa med pa'i yid ches snying nas mchis so/ /ngor e waM khang gsar mkhan chen ngag dbang blo gros snying po las sdom pa gsum gyi bka' drin nos/ rdzogs chen mkhan chen gzhan phan snang ba las mdo sngags gzhung lugs rgya mtsho lta bu gsan bsam mthar phyin pa mdzad/ ngor dpon slob 'jam dbyangs blo gter dbang po dang / brag ra rdo rje 'chang 'jam dbyangs chos kyi nyi ma sogs las gsung ngag lam 'bras/ rgyud btus/ sgrub thabs/