mgon po'i chos skor/ zhal sogs rje btsun sa skya pa'i snyan brgyud kyi gdams pa rnams dang / gzhan yang grub mtha' ris su ma chad pa'i dbang lung khrid bka' mang po gsan/ de bzhin du mthu chen 'jam dpal bstan 'dzin/ mgon po'i grub chen nyi dga' rin po che/ 'jam mgon ngag dbang legs pa/ mkhan chen bsam gtan blo gros sogs las thun mong ma yin pa'i snyan brgyud khag gsan te sgom pa'i nyams bzhes mthar phyin par mdzad do/ /phyis byon sa skya pa'i bstan 'dzin zhig la dbang bka' 'chad spel mdzad phrin rje 'di las bka' drin che ba ma byung ba'i tshad du nges pa'ang / gdan sa chen po dpal ldan sa skyar lo ngo gsum gyi ring rgyud sde rin po che kun las btus pa'i dbang lung khrid gsum cha tshang stsal/ gdan sa 'og ma rtsed gdong chos sde srid gsum rnam rgyal dgon du gsung ngag lam 'bras slob bshad/ mus stag mo gling dgon du gsung ngag lam 'bras slob bshad/ rta nag thub bstan rnam rgyal dgon du gsung ngag lam 'bras slob bshad/ sgrub thabs kun btus/ rgyud sde kun btus bcas dang / gser mdog can gyi chos grar sgrub thabs rin po che kun las btus pa gnang / ngor e waM chos ldan du mkhan po mdzad ring dus chos gsung ngag lam 'bras tshogs bshad lan grangs dang / rdo rje phreng ba/ phyis su mda' khar khang gsar bla brang du gsung ngag lam 'bras slob bshad gsung chos 'phro can/ rgyal rtse gur par ngor lugs dkyil 'khor bdun sogs kyi dbang gnang ba'i skabs kyi gnas tshul cung zhig thos pa/ lo gcig rgyal rtse dpal 'khor chos sder dgon khag bcu drug yod par bod gzhung dga' ldan pho brang pa chen po'i bka' dgongs ltar/ rang rang gi thob khungs nas mtshan ldan gyi bla ma re gdan zhus kyis chos lugs rang rang gi cho ga phyag len dbang lung khrid gsum/ gzhung khrid sogs bstan pa rin po cher dag ther rgya cher mdzad skabs/ gur pa grwa tshang gi chos lugs sa skya yin stabs sa skya gong ma bdag khri rin po cher gdan zhu snyan 'bul zhus pa/ bdag chen rin po che chibs bsgyur ma grub pa sku tshab tu mkhan chen 'di nyid dang / rta nag mkhan chen mi pham ngag gi dbang phyug lhan rgyas bod zla lnga pa'i nang tsam chibs bsgyur gnang ba/ lo der char chu shin tu dkon pas skye bo rnams yi mug chen po byung / dgon khag gzhan gyi bla ma rnams sngon la phebs yod pa dag la/ rgyal rtse dpon 'bangs bcas nas char 'beb zhus pas char ye ma byung ba na skye bo rnams nas skyo glu blangs pa/ dgon pa bla mas gang song / /brag la nyi phyur don song / /dril bu'i sing sing ma gsung / /lung chung rdul gyis khengs pas/ /zhes dang / de nas gur pa'i bla ma mkhan rdo rje 'chang 'di nyid phebs pa dang / yang bskyar char 'beb zhus pa/ rje nyid kyis gong byon skyes chen rnams nas char 'beb gnang ba lhag khong gis phan thogs yong min bka' gnang yang / de dag gis nan zhus ltar zhal bzhes mdzad nas/ lha 'dre rnams la bka' shog /byin rten/ gdug rdzas/ ljags mdud/ dar kha bcas yig rgya bzos te rgyal rtse rdzong gi steng nas rlung la bskur gnang mdzad de nas char rgyun rim gyi babs te ston thog gi rtsa ba tshugs pas skye bo pho mo thams cad rab tu dga' zhing glu blangs pa/ gur pa'i bla ma phebs byung / /spang la sngo