gdan btings so/ /de 'dra'i char pa phabs na/ /lung chung chu yis khengs pas/ /zhes rdo rje 'chang 'di nyid kyi thugs rje dang mthu stobs kyi nus par snying nas yid ches kyis rang rigs bod mi lta ci/ lcang lo'i in ji dmag dpon rnams dad mos kyis mjal khar bcar ba ma zad dmag sgar du'ang gdan 'dren zhus nas gus bkur rgya cher zhus/ dgon par dpal kye rdo rje/ rdo rje gur/ sambu Ta/ bde mchog lu nag dril gsum/ gsang 'dus 'jam rdor/ mi bskyod pa/ rdo rje phur pa stod las dang smad las sogs dngos sta 'brel ba'i dbang chen khag mang po dang / gzhan yang rang rang gi ngor 'dod lha'i dbang rjes gnang / byin rlabs/ bka' gtad/ de dag gi rgyab bsten lung khrid man ngag dang bcas skal ldan rnams kyi re ba yid bzhin du tshims par mdzad do/ /'di ni mi pham ngag gi dbang phyug mchog dang / rgyal rtse gur pa'i mkhan po gsang sngags mthu stobs de'i dge rgan bcas las thos so/ /yang skyabs mchog 'khor lo'i mgon po mchog khams phyogs su bstan 'gro'i don la chibs bsgyur skabs/ brag g.yab 'dre ngan zhes pa sgar chen po phub pa kun gyis mthong zhing / de phyogs rgyu 'grul byed pa'i skye bo kun la rtag tu gnod 'tshe byed cing / bla chen mi chen mang po gson por 'khrid de bran du bkol ba sogs kyi grags pas/ phyogs der skye bo kun 'grims 'grul bya mi nus pa'i sa phyogs der mgon po mchog nub gcig bzhugs zhag mdzad cing / de nub rdo rje nag po chen po'i ting nge 'dzin la bzhugs te/ 'dre ngan bdug pa can gri gug gis dum bur btub ste zhal du bstab pa'i thugs nyams byung ba/ phyi nyin zhabs 'bring rnams la/ mdang nub nga la nyams snang de lta bu byung ba da lta'ang kha'i nang khrag dri bro 'dug zhes bka' stsal ba de nas bzung sngon bla chen nus pa can du mas zhi drag ji ltar mdzad kyang / ma thul ba'i 'dre ngan 'khor bcas ming lhag tsam du gyur cing / 'dre sgar de yang 'ja' yal ba bzhin shul tsam yang med par gyur te/ phyogs der rgyu 'grul byed mi rnams bag phebs su bskyod thub pa byung / yang khams phyogs rang dgon zhig tu rdo rje phur pa'i sgrub pa mdzad skabs/ sku mdun gyi mgul phur las sing sgra rgyun ring por bsgrags cing / dngos su 'gul ba der yod gsung zhabs dang / zhabs 'bring kun gyi mthong ba dang / gzhan yang rje 'di nyid kyi sgrub pa mdzad pa'i sa bcud bum pa gang du yod pa'i yul gru der char chu 'phel zhing / lo phyugs legs pa sogs bde skyid kyi dpal yon gsar du bzhad pa'i lo rgyus mang po yod 'dug /yang rje 'di nyid kyis dpal e waM chos ldan khang gsar bla brang du/ rgyud sde rin po che kun las btus pa'i gsung chos thog mar bka' drin stsal nyin/ nam mkha' nas lha'i bu mo gnyis kyis bsil snyan 'phrol bzhin bstod pa ngo mtshar can sho lo ka gcig dbyangs su len pa dag snang can rnams kyis mjal ba dang / gzhan yang o rgyan gyi slob dponachen po sogs sangs rgyas byang sems mang po zhal gzigs lung bstan sogs rgyun mar yod 'dug /lhag par du sku tshe hril por bshad sgrub spel mar gnang bas 'chad spel mdzad pa'i rnam grangs mtha' dag brjod kyis mi lang ngo / /ched du dkor sdud la nam yang ma byon kyang dad pa dang ldan pa'i slob ma dang sbyin bdag rnams kyis dngos rdzas kyi