[A:༣]སངས་རྒྱས་པའི་ཚུལ་བསྟན་ནས་བཀའ་དང་པོ་བདེན་པ་བཞི། གཉིས་པ་མཚན་ཉིད་མེད་པ། གསུམ་པ་དོན་དམ་རྣམ་ངེས་ལས་བརྩམས་ཏེ། ཆོས་ཀྱི་འཁོར་ལོ་རིམ་པ་གསུམ་དུ་བསྐོར་ནས་གདུལ་བྱ་རྣམས་རང་རང་གི་ལམ་དང་འབྲས་བུ་ལ་བཀོད་ནས། མཐར་གྲོང་ཁྱེར་རྩྭ་མཆོག་གི་དྲུང་དུ་ཤིང་སཱ་ལ་ཟུང་གཅིག་གི་ཚལ་དུ་མྱ་ངན་ལས་འདས་པའི་ཚུལ་བསྟན་ནས། དེའི་རྗེས་སུ་དེ་ཉིད་ཀྱི་བསྟན་པ་ཡུན་དུ་གནས་ཏེ་སེམས་ཅན་ལ་ཕན་བདེ་འབྱུང་བ་ཡིན་ནོ། །དེའང་འབྲས་བུའི་དུས་ལྔ་བརྒྱ་པ་ཕྲག་གསུམ། སྒྲུབ་པའི་དུས་ལྔ་བརྒྱ་པ་ཕྲག་གསུམ། ལུང་གི་དུས་ལྔ་བརྒྱ་པ་ཕྲག་གསུམ་སྟེ་ལྔ་བརྒྱ་པ་ཕྲག་དགུ། རྟགས་ཙམ་འཛིན་པ་ལྔ་བརྒྱ་པ་ཕྲག་གཅིག་སྟེ། ལྔ་བརྒྱ་པ་ཕྲག་བཅུ་གནས་པར་གསུངས་པ་ལས། འབྲས་བུའི་དུས་ལ་རྒྱུན་ཞུགས་དགྲ་བཅོམ་ཕྱིར་མི་ལྡོག་ཐོབ་པ་མང༌། སྒྲུབ་པའི་དུས་