[A:92]nas khyod skye ba thog ma med pa nas lam la sbyangs shing / khyad par du skye ba nyi shu rtsa lngar mi nas mir gyur te 'jam pa'i dbyangs kyis rjes su bzung bas rig pa'i gnas lnga la sbyangs pa yin no/ /tshe 'di nyid kyi 'og tu shar phyogs su 'jig rten gyi khams du ma brgal ba'i pha rol tu mkha' la gnas pa'i rig pa 'dzin par gyur nas de bzhin gshegs pa du ma mnyes par byas nas/ sangs rgyas kyi zhing yongs su dag pa dang / sems can yongs su smin par byas nas sa dang lam rnams phal cher bgrod de/ skye ba gsum pa la 'dzam bu'i gling 'di nyid kyi shar phyogs kyi lho la nye ba'i rgya gar mu mu ni zhes bya bar rgyal po nyi ma'i stobs 'phel zhes bya ba'i bur gyur nas bde bar gshegs pa'i bstan pa rgyas par byas nas/ skye ba bzhi pa la mngon par dga' ba zhes bya ba'i zhing khams su dri ma med pa'i dpal zhes bya bar sangs rgya bar lung bstan cing dbugs dbyung bar mdzad do/ /de lta bu'i bla ma de dgung lo bdun cu bzhes pa'i lcags mo phag gi lo smal po zla ba'i tshes bcu bzhi'i dus su lha dang / rig pa 'dzin pa dang / dpa' bo dang / mkha' 'gro'i bsu ba dang / ngo mtshar ba'i ltas dpag tu med pa dang bcas te gshegs par gyur to//
! de nyid la slob ma'i mchog ji lta bu byung na/ spyir bsam gyis mi khyab kyang / bshad bka' 'dzin pa'i gtso bor gyur pa 'u yug pa rig pa'i seng ge dang / khang gnyan zhang gsum du grags pa rnams te/ 'di dag kyang skyes thob kyi shes rab che zhing tshul khrims kyis rgyud phyug la/ mang du thos pa'i blo gros kyis lus mdzes par byas pa ste/ mkhas pa'i bya ba