[A:༤༧༥]དབུབ་གནད་ཀྱི་བེའུ་བུམ། ཐུན་མོང་མིན་པའི་བརྗེད་ཐོ་ཁོག་དབུབ་ཀྱི་དཀྱུས་སུ་བྲི་བར་མ་བྱས་པ་
དབང་ཆུའི་ངོས་འཛིན།
གསུང་ངག་སློབ་བཤད་ཐུན་མོང་མ་ཡིན་པའི་ཁྲིད་ཀྱི་ཁྱད་ཆོས་ཡོངས་འཛིན་དམ་པའི་གསུང་གི་བདུད་རྩི་ཟིན་བྲིས་སུ་བཀོད་པ་ཁྲིད་ཡིག་ཟླ་བའི་ཐིག་ཕྲེང་གི་གསལ་བྱེད་སློབ་བཤད་བསྟན་པ་རྒྱས་པའི་ཉི་འོད། ལམ་འབྲས་ཀྱི་ཁྲིད་དཔེ་གནད་དྲིལ་བའི་ཉམས་ལེན་སྙིང་པོ། རྣམ་འགྲེལ་བཅུ་གཅིག་གི་ངོས་འཛིན་བཅས་ལུང་རྒྱུན་མ་བཞུགས་པས་བདག་གིས་ལུང་སྤེལ་ཞུས་ཁུལ་ལོ།། །།བདག་ཆེན་རྡོ་རྗེ་འཆང་གིས་མཛད་པའི་ལམ་ཟབ་བླ་མའི་རྣལ་འབྱོར་ཉམས་སུ་བླང་ཚུལ་གྱི་བརྒྱུད་པ་ནི། དམིགས་བསལ་མ་རྙེད་ཀྱང་གོང་དམ་ཚིག་རྣམ་བཤད་ཅན་དང་མཚུངས་སམ་སྙམ་མོ།། །།ཚར་ཆེན་རིན་པོ་ཆེའི་གསུང་ལམ་རིམ་སྨོན་ལམ་གྱི་རྣམ་བཤད་རྒྱལ་བ་དགྱེས་པའི་རོལ་མོ་གཟིམས་འོག་སྤྲུལ་སྐུ་བྱམས་པ་ངག་དབང་བསྟན་འཛིན་སྙན་གྲགས་ཀྱིས་མཛད་པར་ལུང་རྒྱུན་མ་བཞུགས་པས་བདག་གིས་ཐུགས་དམ་གནད་ནས་བསྐུལ་བའི་རོལ་མོ་ཞེས་མཚན་བསྒྱུར་ཏེ་ལུང་སྤེལ་ཞུས་ཁུལ་ལོ།། །།རྒྱལ་སྲས་བློ་གྲོས་མཐའ་ཡས་ཀྱིས་མཛད་པའི་ལམ་སྐོར་ཕྱི་མ་བརྒྱད་ལ། ཏོག་རྩེ་བའི་བསམ་གྱིས་མི་ཁྱབ་པའི་ཁྲིད་ཡིག་བཀྲ་ཤིས་དྭངས་ཤེལ་མེ་༡ལོང༌། ཌོམྦི་པའི་ལྷན་ཅིག་སྐྱེས་གྲུབ་ཀྱི་ཁྲིད་ཡིག་བཀྲ་ཤིས་གི་ཝང་སྨན་༢བཅུད། ཀླུ་སྒྲུབ་ཀྱི་མཆོད་རྟེན་དྲུང་ཐོབ་ཀྱི་ཁྲིད་ཡིག་བཀྲ་ཤིས་བིལ་བའི་ལྗོན་༣བཟང༌། ངག་དབང་གྲགས་པའི་ཕྱག་ཆེན་ཡི་གེ་མེད་པའི་ཁྲིད་ཡིག་བཀྲ་ཤིས་དཱུརྦའི་མྱུ་༤གུ །པདྨ་བཛྲའི་བསྐྱེད་རིམ་ཟབ་པའི་ཚུལ་དགུའི་