[A:420]de phyir yongs 'dzin zla shel phreng ba yis/ /zhi bsil smin grol bdud rtsi gang stsal ba/ /brjed ngas 'jigs pa'i dgra 'dis 'bor dogs nas/ /srung byed yi ge'i bum bzang gsar du bskrun/ /zhes tshig gi me tog nyung ngu 'thor bas mdun bsus te/ gang zhig brjod par bya ba'i snying po gsung ngag rin po che lam 'bras bu dang bcas pa'i chos skor gyi bla ma brgyud pa'i rim pa 'bri ba la don gsum ste/ bshad bya/ 'chad byed/ ji ltar 'chad pa'i tshul lo/ /dang po la gnyis te/ spyi dang / bye brag go /dang po ni/ bdag cag gi ston pa shAkya seng ge de nyid kyis gdul bya rigs can gsum la dam pa'i chos kyi bdud rtsi bsam gyis mi khyab pa gsungs pa rnams rgyu 'bras kyi theg pa gnyis su 'du zhing / de dag gi dgongs pa 'grail byed 'phags yul du paN grub du mar byon nas mdo sngags gtsor gyur bstan bcos mtha' yas pa zhig mdzad pa'i nang nas/ mchog ni theg chen lam gyi zab rgyas shing rta'i srol 'byed gnyis/ de las kyang 'bras bu'i theg pa sems 'grel skor gsum/ grub pa sde bdun/ snying po skor drug /lam skor dgu la sogs pa sngags bla med kyi smin grol ston pa'i gzhung bzang rnams te/ mdor na sangs rgyas kyi gsung rab mdo rgyud dgongs 'grel dang bcas pa'o/ /gnyis pa ni/ 'dzam gling mdzes par byed pa'i rgyan drug gi ya gyal slob dpon chos skyong zhabs sam/ rnal 'byor dbang phyug birWa pas ye shes kyi mkha' 'gro ma'i gdams ngag la brten nas legs par bkral ba/ theg gsum rgyud sde bzhi dang bcas pa'i dgongs