[A:421]don/ rigs can gsum char rjes su 'dzin pa'i man ngag /zab pa'i tshul bcu gcig dang ldan pa/ lam rgyas 'bring bsdus gsum mam/ zab 'bring tha ma gsum du bstan pa'i gzhung rtsa ba rdo rje'i tshig rkang 'di nyid do/ /gnyis pa ni/ mtha' drug /tshul bzhi sogs dang / tshad ma bzhi/ snyan brgyud bzhi ste/ snga ma dag gis rgyud dang / phyi ma dag gis man ngag skor 'chad pa'o/ /gsum pa la gnyis te/ mdor bstan/ rgyas bshad do/ /dang po ni/ rgyud 'chad tshul la/ rgyud rgyud ltar 'chad pa 'grel pa lugs dang / rgyud man ngag ltar 'chad pa man ngag lugs gnyis/ de dag la 'jug tshul yang / skal dman rim gyis pa dang / skal ldan cig car ba gnyis yod kyang / bla ma gong ma rnams kyis sngon byung gi rnam thar dang / gdul bya dkri tshul gyi zab gnad la dgongs te 'grel pa lugs la cig car ba dang / man ngag lugs la rim gyis pa gtso bor sbyar ba las/ 'dir man ngag gi skor dang rgyud gnyis ka 'chad pa'i tshul la/ dpal ldan sa skya pa'i bstan 'dzin sngags kyi rgyal tshab chen po ngor rdzong gnyis la mi mthun pa mang mod/ ngor chen rdo rje 'chang gi phrin las skyong ba tshogs slob kyi brgyud 'dzin dam pa rnams bzhed pa mthun par/ sngon 'gro'i khrid snang gsum rdzogs nas rgyu dbang gis smin pa dang / dngos gzhi rgyud gsum gyis dkri ba'i skabs lam dbang / byin rlabs skor/ rnam bshad rigs skabs su gang bab sbyar zhing / khog dbub dang rnam thar skor gyi lung thun mong ba rnams sngon 'gro'i skabs dang / gzhung bshad dang pod dmar ser sogs lung thun min