[A:422]skor phal cher dngos gzhi'i skabs su mdzad pa'i phyag len rnam dag 'di deng sang gi bar du dar ba'o/ /gnyis pa la ma smin pa smin par byed pa'i dbang bskur ba/ smin zin goms par byed pa'i thabs 'khrid ston pa/ smin grol brtan byed byin rlabs kyi skor/ man ngag gi gnad la thos bsam gyis sgro 'dogs gcod pa dang / yid ches pa'i phyir bstan bcos rdo rje'i tshig rkang gi gzhung bshad dang / de'i 'phro gzhi'i rgyud kyi gtso bo dpal kye rdo rje'i rtsa ba'i rgyud brtag pa gnyis pa tshul bzhis 'chad pa/ rgyab rten lung gi skor te/ tshogs bshad kyi lugs gzhir bzhag pa'i khar man ngag gi zab gnad dang / gzhung dang / rgyud kyi bshad bka' sogs bsnan nas 'chad pa la slob bshad ces grags shing / 'chad byed tshad ma bzhi dang snyan brgyud bzhis 'chad pa la/ dang po ni/ lung / bstan bcos/ bla ma/ nyams myong tshad ma ste/ de bzhis gsung ngag gi dbu zhabs thams cad 'chad cing / gnyis pa ni/ dbang gi chu bo ma nub pa/ byin rlabs kyi brgyud pa ma nyams pa/ gdams ngag gi sa rga ma log pa/ mos gus kyi bsam pa tshim par nus pa ste/ de bzhis bye brag rdo rje theg pa'i lam thams cad gtan la 'bebs pa ste/ rgyas par 'chad thabs su gsal zhing / 'dir don bsdu ba'i tshul du 'chad pa la gnyis te/ slob bshad gtso bo dang / tshogs bshad zhar byung du dgod pa'o/ /dang po la gnyis te/ med ka med kyi yig tshogs tshang bar pusta kaHbcu bdun du bstar ba'i brgyud rim rgyas par 'chad pa dang / der ma 'dus pa'i gsung 'thor bu nyer mkho'i skor gzhan rags