[A:494] de las bdag cag gi mkhan po 'phags pa nye bar 'khor gnyis pa byams pa kun dga' bstan pa'i rgyal mtshan dpal bzang pos gsan to// //gnyis pa la dbu sems kyi srol gnyis yod kyang / 'dir brgyud pa'i khyad par gnyis ka dang ldan pa'i sems bskyed rnal 'byor dbang phyug dang / nA ro ta pa gnyis kyi khyad chos rje btsun sa skya pa chen po la bka' babs pa'i phyag rgyun dri med ngag chos yig steng nas thob pa'i brgyud pa ni/ ngor chen yan gong slob bshad skabs dang 'dra zhing / de phyin 'og nas 'byung ba'i khrid kyi brgyud pa ltar ro// //gsum pa la rgyud sde chen po bzhi bzhugs pa nas/ 'dir skabs su babs pa bla med gtso bor gyur pa/ de las kyang zab gsang gnyis su med pa'i rgyud dang man ngag las byung ba dpal kye rdo rje'i chos skor/ de'ang rgyal bas lung gis bsngags pa'i ngor chen rdo rje 'chang kun dga' bzang pos/ 'og min gnyis pa dpal e waM chos ldan du/ lo re re bzhin gsung ngag rin po che gtsor mdzad pa'i sdom pa gsum dang / zhar byung nyer mkho'i dbang lung ci rigs pa bcas kyi chos 'khor chad med bskor ba'i srol gtod kyi bka' drin bskyangs pa nas bzung da lta'i bar du phyag rgyun rnam dag ma nub par dar rgyas su bzhugs pa 'di bzhin la/ skabs thob rgyal tshab rnams thugs bskyed dang mkhyen rgya che chung sogs kyis/ gdul bya'i snod dang 'tshams kyang chos sgo rgyas bsdus kyi dbye bsdu sna tshogs pa zhig los 'byung bas/ mtha' gcig tu tshad 'di tsam mo zhes sus kyang kha tshon gcod par ga la nus mod/ 'on kyang gsung gzhi khrid yig rgyas bsdus kyi steng nas dang / lung mang nyung tsam las/