[A:495] so byang gi sdom pa/ sngon 'gro dang dngos gzhi'i khrid/ rgyu lam gyi dbang / rnam thar dang gsol 'debs/ pod ser sogs kyi lung rnams ni kun gyis chad med gnang ba yin pas/ de'i tshul ni/ thog mar chos sgrub pa'i 'gal rkyen phyi nang gi bar chad zhi phyir gsang bdag 'byung po 'dul byed kyi rjes gnang / mthun rkyen tshe bsod blo gros sogs rgyas phyir gtsug tor rnam par rgyal ma lha dgu'i rjes gnang / nad rims gdon bgegs sogs sel phyir ri khrod lo ma gyon ma'i rjes gnang dang gsum gyis chos sgo legs par phyes pa'i brgyud pa ni/ sgrub thabs brgya rtsa dang rgya mtsho ltar sgrub thabs kun btus kyi brgyud yig na bzhugs pa ltar la/ thar rtse khu dbon bzhi man chod rang rang gi thob yul 'ded shes par bya'o/ /snang gsum skabs bla ma tshad mar bya ba'i phyir bla ma'i rnam thar dang gsol 'debs gtso bor gyur pa'i chos spyod skor gyi lung bcas gnang ba'i brgyud pa ni/ bla ma rgya gar ba rnal 'byor gyi dbang phyug birWa pa'i lo rgyus nas bzung ste ngor chen rdo rje 'chang kun dga' bzang po'i bar gyi rnam thar rnams kyi mtshan grangs sogs spar du bzhugs pa ltar thar rtse mkhan chen rdo rje 'chang byams pa kun dga' bstan pa'i rgyal mtshan gyis gsan pa yan gong slob bshad kyi brgyud pa dang 'dra zhing / mus chen sems dpa' chen po nas mkhan chen shes bya bzang po'i bar gyi gdan rabs rnam thar nor bu'i phreng ba ni/ mdzad pa po mkhas grub sangs rgyas phun tshogs nas rim par brgyud de/ zhabs drung kun dga' ye shes dbang phyug /byams pa nam mkha' 'chi med/ byams pa kun dga' bstan 'dzin/ de las byams pa kun dga' bstan