[A:501]de man gyis bla ma tshad ma'i skor gtsos zhar byung nyer mkho bcas pa'i brgyud rim song nas/ da ni nyams myong tshad ma rgyud la skyed par byed pa'i gzhung ji lta ba bzhin dkri ba'i skor la/ 'chad pa po sdom pa gsum dang ldan zhing / mdo rgyud kyi don la mkhas pa/ de nyid bcu'i pha rol du son pa/ man ngag gi nyams myong dang / grub pa'i yon tan ldan pa'i rdo rje slob dpon gang gis/ 'chad pa'i gzhi snang gsum snying po'i legs bshad/ khog dbub gsang sngags bstan pa'i pad tshal bzhad pa/ slob ma rjes 'dzin/ dam tshig rnam bshad bag yod gtam gyi bdud rtsi/ phyi bskyed rim gyi rnam bshad rgyas pa mkhas la nyer mkho snying po'i legs bshad/ bsdus pa gsang chen bstan pa'i 'od 'phro/ lus dkyil rnam bshad nyung ngu rnam gsal/ rgyud gsum snying po'i legs bshad/ bdag med ma'i byin rlabs rnams ngag chos yig cha dang / rgyu dbang sgrub dkyil/ gtor chog /dbang gi mtshams sbyor rnams dkon mchog lhun grub yig cha/ lam dbang shar chen kun dga' bkra shis dang zhu chen gyi yig cha/ lam zab dang bir srung byin rlabs thar paN yig cha rnams go rim bsgrigs te/ 'chad pa'i tshul thog mar rgyu phar phyin gyi theg pa'i nyams len thams cad snang ba gsum du bsdu ba'i khrid kyis blo sbyong / rnam thar dang chos spyod skor gyi lung 'bogs/ khog dbub kyis lo rgyus la yid ches bskyed/ de nas srid zhi gnyis la mi gnas pa'i myang 'das thob phyir byang chub mchog tu sems bskyed/ rigs dang skal bar ldan pa'i slob ma rnams rjes su 'dzin te/ zhal dang 'dra ba'i cho ga'i gzhi