[A:502]brgyad kyis gzhir gnas kyi dkyil 'khor bzhi smin par byed/ dbang bzhi'i dam tshig ngo sprod pa'i phyir de'i rnam bshad zin thun tu gtong / dbang gi ye shes ngo sprod pa dang / gzhi lam 'bras bu'i chos thams cad sems gsal stong zung 'jug gi rnam rol/ rten 'brel dang spros bral du shes phyir kun gzhi rgyu rgyud la 'khor 'das dbyer med kyi lta khrid ston/ lus thabs rgyud la dbang bzhi'i lam bzhi/ de re re la'ang lam/ lta ba/ grub mtha'/ 'da' kha ma/ zhar byung bar do/ 'bras bu ste don tshan drug drug /de dag tshad ma snyan brgyud bzhi'i sgo nas gtan la 'bebs pa la bum dbang gi lam phyi bskyed rim gyi rnam bshad zin thun du gtong / lam dbang bskur/ nang bskyed rim gyi rnam bshad gtong / phyi nang gi sems 'dzin/ lta ba grub mtha' sogs kyi khrid rim rdzogs nas/ gsang dbang gi lam bdag byin gyis rlabs pa'i rim pa la sngon du bdag med ma'i byin rlabs/ rlung sbyor bdun/ gtum mo'i dmigs pa bco brgyad/ lta ba grub mtha' sogs te khams 'dus pa dang po'i khrid/ lus sbyong 'khrul 'khor bcas/ shes rab ye shes kyi lam dkyil 'khor 'khor lo'i lam mam/ phyag rgya'i lam rgyas bsdus/ lta ba grub mtha' sogs te khams 'dus pa bar pa'i khrid/ bzhi pa'i lam rdo rje'i rba rlabs/ lta ba grub mtha' sogs te khams 'dus pa tha ma'i khrid rnams sngon byon dam pa gong ma'i phyag bzhes ji lta bar tshang la ma nor ba'i tshul du legs par gnang ba'i brgyud pa ni/ rdo rje 'chang / bdag med ma/ birWa pa/ nag po pa/ Da ma ru pa/ a wa dhU tI pa/ ga ya dha ra/ 'brog mi lo tsA ba/ se ston kun rig /dgon pa ba/ sa