[A:17]a zhang gi bzhugs gnas nyi lde bla brang du bzhugs nas gsan sbyong mdzad/ skabs shig dbu rtse rnying mar kun mkhyen las dbu ma lugs kyi sems bskyed thob/ sgo rum du rje btsun gyi sku 'dra'i mdun du kye rdor man ngag lugs rdul tshon gyi dkyil 'khor du dbang bskur ba thob/ gsang mtshan la bla brang shar du bdag chen blo gros rgyal mtshan las phur pa'i dbang gsan dus dpal thugs rdo rje zer ba de zhus pas/ sa skya pa'i yab chos sa skya pa'i gdung rabs rin po che las thob pa ngo mtshar che yang / 'khon dkon mchog rgyal po man 'di 'dra cig dgos pa cig byung gsungs nas/ dpal kye rdo rje zhes btags/ smin byed dbang gi mgo 'di nas 'dzin gsungs/ de'i phyir nyin bse 'bag gi drung du lcam dral gyi rjes gnang thob/ ngo mtshar chen po byung / gzhan yang bka' chos mang po thob/ e waM du song zhes pa'i bka' mang po gnang / yang rje yongs 'dzin sa skyar byon pa la gshed dmar gyi dbang thob/ rje 'di la chos gsan pa'i thog ma yin/ de nyid nas gshed dmar gyi thugs dam ma chag go /phyi lo yongs 'dzin chu 'dus nor bu gling du byon pa dang bstun e waM du byon/ lde dpon bla brang gi skas rtsa nas rnyed pa rten 'brel bzang bar yongs 'dzin gyis lung bstan/ tshes brgyad la dbang khang du bskang gso mdzad dus dpal mgon gdong bzhi pa la khyod ngo sprod gsungs nas rten 'brel bsgrigs/ kun mkhyen ngor du byon nas mkha' 'gro rgya mtsho sogs thob/ de'i yig cha rnams blo 'dzin mdzad/ kun mkhyen la bshar gnon phul/ lam 'bras sogs chos mang po thob mtshan nyid slob par zhus/ mi 'ong gsungs/ zur 'chang sangs rgyas dpal grub la sdom 'byung gi dbang rdo rje 'chang las gsan pa yod pas zhu gsungs nas zhus shing / mgon po'i dbyangs sogs phyag len mang po sbyangs/ mdor na zur chen pa dang / yongs 'dzin rin