[A:16] rta lo gling skyar sems dpa' chen po dkon mchog rgyal mtshan gyi sku dbon dkon mchog legs dang / yum chen chos skyong rgyal mo'i sras su dpal gdong zhes pa chu mo bya lor 'khrungs/ dgung lo bcu gcig par sems dpa' chen por rab tu byung / nyer brgyad par lcags rtar grub chen dkon mchog blo gros pas mkhan po/ slob dpon bla ma dpal ldan rgyal po sogs las bsnyen par rdzogs/ dge ba'i bshes gnyen mang po bsten te gsan pa rgya mtsho'i pha rol tu son/ mkhas btsun bzang gsum gyi yon tan dpag tu med pa brnyes/ mus kyi dgon pa gong 'og rnams dang / ngor nA lendra/ lo dgon pa sogs dbus gtsang gi sa rigs kyi dgon pa mang por phrin las bskyangs/ snga phyir lam 'bras tshar lnga bcu nga gcig sogs dam pa'i chos kyi 'khor lo bsam gyis mi khyab pa bskor/ dgung lo bdun cu don gnyis pa sgrol byed ces pa shing pho spre'u'i lo/ khrums kyi zla ba'i tshes bcu la gling kha bde ba can du sku gshegs/ dgongs rdzogs rgya chen po bsgrubs/ sku gdung zhugs 'bul sogs kyang sa lo thams cad mkhyen pas mdzad do/ /rgyas par sa lo tsA ba dang / gzhung brgya pa dngos grub dpal 'bar sogs kyis mdzad par blta'o// //rje lha mchog seng ge ni/ 'khrungs yul sa skya/ rigs rus rje btsun kun dga' bzang po'i dbon rigs dpon ne kun dga' rgyal mtshan zhes pa yab yin la/ yum ni gu shrI nam mkha' bzang po'i dbon mo dge bsnyen ma dkon mchog 'bum gyi sras su sa pho byi ba'i lo la sku 'khrungs/ kun mkhyen go bo rab 'byams pa bsod nams seng ge gdan sar phebs pa la/ dgung lo bcu gcig par rab tu byung / de'i tshe bya gsum las rje 'di la lha mchog seng ge /gzhan gnyis la mi mchog seng ge dang / klu mchog seng ger btags so/ /rab tu byung nas bla brang shar du ma bzhugs par