[A:19]phyag nas brgyud pa ma gtogs gang byung byed sa med/ log 'tshor yo byad 'bru gcig kyang mi gtong / thugs dam bcad rgya'i thog mnal lam khyad par can la brten/ zur chen bzhi la bsnyen rgyas la brten pa'i du rga 'bum phrag drug re bsnyen pa kho bos byed du bcug ste/ khams mnga' ris gyi grwa pa 'das grongs byung ba nyis brgya lhag tsam gyi gdung thab bzhi brtsigs te/ zur chen bzhis kun rig zhi ba'i sbyin sreg mdzad pas 'ja' dang me tog sogs ngo mtshar ba'i ltas mang po byung / slar yang glo bo nas gdan 'dren byung ba dang / mkhan chen rin po che la chos 'phro rnams zhu bar phebs/ 'gro don rgya chen po byung kyang e waM du rdo rje 'chang gi dam tshig bris sku sogs rten dang byin rlabs rnyed khungs med pa mang po 'khyar bas thugs skyo bar byung gsung zhing / glo bo nas dge slong chos dpal bsod nams tshab tsam bzhengs pa mdzad/ thar rtser gsang thabs su bdud rtsi ril bu bsgrub dus tshogs 'khor gyi lhag gtor wa dmar gnyis kyis rtag par len pa byung ba/ rgya gar du mnga' bdag me tri ba tshogs 'khor mdzad dus ce spyang gis len pa dang mtshungs so/ /de ltar bdud rtsi ril bu grub pa'i rtags ngo mtshar ba chen po byung bas/ zil gnon sgrub pos thar rtse'i steng nas mdung rtse la chos gos phyar nas/ chos rje sangs rgyas rin chen la bu chen e skyes 'dug zer nas skad btang ngo / /yang seng ge rtse bas snyad 'dogs byas dus chos skyong gi phrin las bsgrub pa dang / byad khas ltas byung bar 'jigs byed drug cu pa rdo rje 'chang gis phyag bzhes ltar btsugs pa dang / yang mkhan rin po che mjal bar glo bor phebs rtsis mdzad rung / mkhan chen bde bar gshegs pa'i bang chen byung nas dgongs rdzogs rgya chen bsgrubs/ de nas re zhig gsung ngag lam dbang skabs shig bla ma brgyud pa'i byin rlabs kyi thad tsam du/ bla brang nang 'khor ba 'ga' res zhus pa la dam sel