[A:20]la brten/ sku khams log /de lo lam 'bras 'phro can du lus pa byung zhing / phyis thar rtser sku mtshams la bzhugs/ de dus khams nas 'bul sdud ba bla ma gnyan lo grags pa blo gros pa mkhan po mdzad 'dod bcas stag gru khar phebs dus e waM pa gzhir 'khod rnams kyis mkhas pa'i dbang po dkon mchog lhun grub mkhan por mnga' gsol/ de dus gnyan los rje gdan sa pa la bkur bzos mi byed pa sogs thugs g.yas chung 'ga' re mdzad snang / rje nyid sku mtshams dam mu nas dag snang la 'byams zhing / ngas gnas skabs thams cad du rje btsun grags pa la gus zhen byas rung / da lta slob dpon rin po che bsod nams rtse mos thugs rjes bzung zhes gsung ba sogs mtha' yas so/ /'jam dbyangs shes rab rgyam pa la dus ja med pas de'i dus chen la gshegs pa'i rgyu mtshan zhib tu gsungs nas/ shing mo lug lo sa ga zla ba'i tshes gsum la gshegs so/ /dgongs rdzogs kyang dngul gdung dang / sku 'dra sogs bsam gyis mi khyab pa grub bo/ /rnam thar thun mong ma yin pa rnams gsung rgyun las yi ge med la/ thun mong ba rnams rgyas par shes par 'dod na rje btsun kun dga' grol mchog dang / rje thar rtse nas nam mkha' dpal bzang gis mdzad par blta'o// //ngor chen thams cad mkhyen pa dkon mchog lhun grub ni/ dpal sa skya'i gnyan bla brang du pha ma cig srid rgyal sogs bon srungs bran du 'khor ba'i grub thob kun 'grub dar dang / yum yongs 'dzin dkon mchog 'phel ba'i dbon mo lha mo bu 'dren gyi sras su me sbrul lo rgyal phur 'dzom pa'i tshes la sku 'khrungs/ mtshan lha rgod dar du gsol/ gzhon nu nas 'bri klog sogs yon tan mang por dbang 'byor/ dgung lo bcu gsum par ngor du rje dkon mchog 'phel ba dang / glo bo mkhan chen sogs mkhan slob dge