[A:22]phebs pa la dge bsnyen gyi sdom pa dang / tshe dpag med kyi dbang thob/ 'bri klog sogs brda bstan pa tsam gyis mkhyen/ dgung lo bcu gsum par e waM du phebs/ mkhan po rje sangs rgyas rin chen dang / las slob rje lha mchog sogs las rab tu byung / mtshan sangs rgyas seng ger gsol/ thub bstan rnam rgyal du byon nas/ rab 'byams smra ba chos grags rgya mtsho dang / blo gros rab yangs sogs las mtshan nyid kyi gsan sbyong mthar phyin mdzad/ dpal ldan sa skyar sa lo 'jam dbyangs chen po dbu la bzhugs pa'i 'dus pa rgya mtsho'i dbus su rab 'byams grwa skor rnam gzhag mdzad/ yang e waM du phebs sngar gyi slob dpon gyis mkhan po rje blo gros rab yangs pas slob dpon/ gnyan los gsang ston/ rje dkon mchog lhun grub pas dus bsgo ba mdzad nas bsnyen rdzogs mdzad/ nyi sgrol zhes pa shing pho sprel lor/ dam pa'i chos gsan tshul ni/ rnal 'byor dbang phyug gi sprul pa mus chen sangs rgyas rin chen dang / rje lha mchog pa gnyis/ gzhan yang sa lo/ thub bstan slob dpon gnyis/ gnyan lo bdag chen ngag grags/ bdag chen nam mkha' don grub/ ri pa kun dga' mchog ldan/ bzhi sde chos rje 'jam dbyangs nam mkha' brtan pa/ rje dkon mchog lhun grub/ mkhas pa lha dbang blo gros/ chos rje shAkya 'od zer sogs las gsan pa rgya mtsho'i pha rol du son pa mdzad/ bsam pa ji lta ba bzhin mkhyen/ sgom pa yang don mngon du gyur/ dgung lo nyer lnga nas chos 'chad pa'i sgo dbye/ glo bor mkhan chen rin po che'i gdung bzhu bar phebs rung / glo bo sde pa thugs cung zad mi zin pa dang / mi ngan 'ga'i byed pas/ gdung bzhu tshar 'dug /'on kyang yul der 'gro don rgya chen po byung / mkhan chen pa'i zhal chems kyi rten gsum sogs ngor du spyan drangs nas byon/ skyed tshal 'og tu rje blo gros chos 'phags gnyug la ba dang bcas