[A:21]'dun dang bcas pa las rab tu byung / mtshan dkon mchog lhun grub tu gsol/ dgung lo nyi shu par mus chen sangs rgyas rin chen gyis mkhan po dang / rje bya btang ba dang / rje lha mchog seng ge dang / chos lung pa phrin las dbang phyug sogs kyis las gsang sogs mdzad de bsnyen par rdzogs/ gong smos kyi bla ma de dag dang / sa lo 'jam dbyangs nam mkha' brtan pa/ mus chen nam mkha' dpal bzang sogs las dam pa'i chos kyi gsan rgya mthar phyin rje sangs rgyas rin chen gyis bdag rkyen mdzad nas mus su bde kye sogs kyi bsnyen pa mdzad nyer lnga nas ngor gyi zur 'chad so bdun tshe bla brang du bzhugs/ so brgyad la khrir 'khod/ mkhas btsun bzang gsum/ 'chad rtsod rtsom gsum sogs rnam par dkar ba'i phrin las kun la gsal zhing / bka' 'bum du bltas pas ngo mtshar shin tu che'o/ /de'i tshe gdan sa yas man/ nyang rong mus/ dbus nA lendra sogs yul gru tha dad du chos kyi 'khor lo bskor/ sa skya 'khon gyi gdung rnams dang / rin spungs la sogs dpon ris rnams dang / mdor na stod mnga' ris/ smad mdo khams/ bar dbus gtsang thams cad du rje 'di'i slob ma'i tshogs kyis khyab bo/ /gdan sa la lo nyer bzhi mdzad/ lam 'bras tshar sum cu rtsa gsum sogs phrin las bsam gyis mi khyab/ re gcig sa sbrul hor zla dgu pa'i nyer gcig la sku gshegs so/ /rgyas par dkon mchog dpal ldan pa sogs kyis mdzad pa'i rnam thar du blta'o// //ngor chen sangs rgyas seng ge ni/ dpal ldan sa skya'i guu ra bde ldan du/ yab rje kun dga' bzang po'i dbon rgyud/ dpon ne tshe dbang dpal 'byor dang / yum g.yung drung sras 'dzoms gyi sras su/ mig dmar zhes pa byi ba'i lo la 'khrungs/ mtshan lha mo tshe rings zhes gsol/ dgung lo brgyad par rje yongs 'dzin sa skya bla brang shar du